برق مملکت یشاوچیلری نینگ اونملی نیازلریدن حسابلنسه‌ده، بیراق بامیان ولایتی پنجاب تومنی یشاوچیلری نینگ ایتیشلریچه، برق‌دن فایده‌لنه آلمسلیک‌لری باعث ایریم قیینچیلیکلر بیلن روپه‌ره بولگنلر. اولرنینگ کوپه‌یتیریشلریچه، اوشبو تومن‌ده سوو و سولر سیستمی‌دن برق تولید قیلیش اوچون منبع‌لر موجود بولسه‌ده؛ لیکن پنجاب تومنی نینگ باشقه اونلب قیشلاق اهالیسی حاضر هم برق‌دن محروم دیر.
پنجاب تومنی یشاوچیلریدن کوپ قطاری، سولردن قوللنه‌دیلر؛ بیراق اقتصادی قیینچیلیکلر سبب، اوشبو برق ییتکزه‌دیگن سیستم مذکور تومن‌ده رواجلنمه‌ی و اون‌دن تولید بولگن برق میزانی بیر عایله اعضاسی اوچون ۴۰-۵۰ وات دیر که، اولر اوچون اینیقسه قیش موسومی‌ده ییترلی ایمس.
پنجاب تومنی مکتب‌لریدن بیریده‌گی اوقیتووچی بولمیش ابراهیم مهدوی نینگ ایتیشیچه: «مکتب‌ده هم برق یوقلیگی اصلی بیر قیینچیلیک دیر. پروجکتور، درس بیریش اوچون کمپیوتر یا-ده پکه گه نیاز بولگنی پیتده، برق کم‌لیگی قیین‌چیلیگی بار که بو درس خصوصیده قیینچیلیک کیلتیره‌دی.»
بیزلرنینگ فیسبوک صحیفه‌میزگه باش اورینگ!
شونینگدیک پنجاب تومنیده تعلیمی مرکزلرده‌گی اوقووچیلردن قطاری نینگ ایتیشلریچه، برق یوقلیگی سبب، درس اوقیش جریانیده، قیینچیلیکلر بیلن روپه‌ره بوله‌دیلر.
پنجاب تومنی مکتب‌لریدن بیریده‌گی اوقووچی سیف‌الله نینگ ایتیشیچه: «کمپیوتر و باشقه برقی وسیله‌لردن قوللنه‌میز و برق بولمه‌گنی صورت‌ده، اولردن فایده آلالمه‌یمیز و تیلیفون‌ده شارژی بولمسه، معلومات اختریش اوچون قوللنه آلمه‌میز.»
باشقه بیر تامان‌دن، پنجاب تومنی دکان‌دارلری نینگ ایتیشلریچه، برق یوقلیگی و ساووق قیله‌دیگن امکانیت‌لر گه قول تاپه آلمه‌سلیک سبب، ایسیق هوا‌ده ییگولیک ماده‌لر نی دکان‌لریده سقله‌ی آلمه‌یدیلر.
پنجاب تومنی‌ده‌گی دکان‌دارلردن تقی نینگ ایتیشیچه: «تاووق ایتی نی ساته‌میز. ایکی ته بویوک سولر تخته‌سی نی کیلتیرگن‌مین که بعضا سولر و بعضا ایسه باطری‌سی ایشلمه‌یدی. ساووق ایچیم‌لیک‌لر و سبزه‌وات‌‌دن محروم قالگن‌میز؛ چونکه جوده‌یم آز کیلتیره‌میز.»
پنجاب تومنی یشاوچیلری، مسئوللردن نیازلری نینگ حل قیلیش اوچون، برق فراهم قیلیش‌لری نی ایسته‌یدیلر.
بیزلرنینگ توییترده هم تعقیب قیلینگ!
عین حالده، بامیان برشنا ریاستی مسئوللری بامیان نینگ پنجاب و باشقه تومن‌لریده برق یوقلیگی نی تصدیق‌لب ایتیشلریچه، حاضر ایسه بودجه یوقلیگی سبب، مذکور ولایت‌ده برق ییتکزیش اوچون هیچ قنده‌ی برنامه یوق.
بامیان برشنا ریاستی باشلیغی ضیاءالدین جهادیار نینگ سلام‌وطندار گه ایتیشیچه: «پنجاب تومنی دهن‌غرغری منطقه‌سیده، چین‌لیک آرقه‌لی ۱۰ مگاوات سولری برق و شونینگدیک برشنا آرقه‌لی سوو برق توغانی سروی بولگن ایدی؛ بیراق بودجه یوقلیگی سبب، توخته‌‌گن.»
ایتیش کیره‌ک که، بامیان اینیقسه پنجاب تومنی یشاوچیلری برق یوقلیگی سبب کوپینچه قیینچیلیکلر بیلن روپه‌ره بولگنلری گه علاوه، دستلبکی امکانیت‌لردن کوپینچه‌سی جمله‌دن درمانی خذمت‌لر گه قول تاپه آلمه‌گنلر.
