افغانستان سودا و سرمایه یاتقیزیش اتاقی‌نینگ ایتیشیچه، مملکت ایچیده برچه سرمایه یاتقیزیش امکانیت‌لری موجود بولگنی بیلن، خلق‌ارا چیکلاولر ایچکی و تشقی سرمایه یاتقیزیلیش‌لر سقلنیشی برابریده‌گی اینگ بویوک توسیق‌لیک دیر.
افغانستان سودا و سرمایه یاتقیزیش اتاقی مدیره هیئت اعضاسی خان‌جان الکوزی‌نینگ ایتیشیچه، خلق‌ارا چیکلاولر یانیده، انرژی کم‌لیگی یا-ده یوقلیگی کبی باشقه قیینچیلیکلر، افغانستان ده سرمایه یاتقیزیش خصوصیده سرمایه یاقیزووچیلر قیزیقیشی کمه‌یشی گه سبب بولگن. اونینگ کوپه‌یتیریشیچه: «ایچکی سرمایه یاتقیزووچیلردن کوپینچه‌سی کانلر بولیمی‌ده سرمایه یاتقیزیش‌گه سعی‌وحرکت قیله‌دی؛ برق، تیمیر یولی و ایکینچیلیک بولیمی‌ده فرصتلر یره‌تیلگن، حتا تشقی سرمایه یاتقیزووچلر هم کیله‌دی؛ بیراق اساسی قیین‌چیلیک سیاسی مسئله، دنیا بیلن علاقه قوریش و بانکی مسئله‌لر دیر.»
جناب الکوزی گه کوره، برچه قیینچیلیکلر گه علاوه، اسلام امیرلیگی اوتگن اوچ ییل‌ده سرمایه یاتقیزووچیلر گه سالیق‌نینگ ۵۰ فایز کمه‌یتیریش، واردات برابریده تعرفه‌نی کوپه‌یتیریش و ایش خصوصیده امنیت‌نی تامین‌لش کبی آدیم‌لر بیلن ایچکی سرمایه یاتقیزووچیلردن حمایت قیلگن دیر. «اوتگن اوچ ییل‌ده ایچکی و تشقی سرمایه یاتقیزووچیلر ایکی میلیارد دالر‌گچه تورلی بولیم‌لرده تعهد قیلگنلر که تعهدلردن کوپینچه‌سی کانلر بولیمی‌ده ایدی.»
بیزلرنینگ فیسبوک صحیفه‌میزگه باش اورینگ!
ایچکی سرمایه یاتقیزیلیش‌لرنی قوللب-قوتلش اوچون اسلام امیرلیگی‌نینگ سعی‌وحرکت‌لری گه توجه قیلیش بیلن؛ بیراق سرمایه یاتقیزووچیلر‌نینگ سرمایه یاتقیزیش‌گه قرشی علاقه‌لری‌نینگ بویوک بیر قسمی تعهد درجه‌سیده قالگنی بیلینه‌دی.
افغانستان ده سرمایه یاتقیزووچیلردن قطاری‌نینگ ایتیشلریچه، تجارت برابریده‌گی توسیق‌لیک اولرنینگ قیزیقیشی کمه‌یگنی و باشقه مملکت‌لرده سرمایه یاتقیزیش‌گه اعتبار قره‌تیشلری‌نینگ اینگ اونملی سببلریدن دیر.
کابل ده‌گی قالین ایشلب چیقریش کارخانه‌لردن بیری‌ده ۳ میلیون‌دن آرتیق افغانی سرمایه یاتقیزگن سرمایه یاتقیزووچیلردن قاسم الیاسی‌نینگ ایتیشیچه: «تورت آی‌دن کوپ بولگن که تورخم یولی قالین صادراتی گه یاپیق دیر؛ تواریمیز مشتری و نرسه ایسته‌گن کیشی گه ییتیشمسه، پول قیین‌چیلیگی یره‌تیله‌دی. بو ییرده قالین‌نینگ یوویلیش امکانیتی یوق. بو ییرده پروسس بولگنی‌ده بو بیزلر گه فایده‌لی بوله‌دی. بو قیینچیلیکلر بیزلرنی زیریکتیره‌دی.»
عین حالده، اقتصادی مسئله‌لر بیلرمان محمدنصیر رشتیا‌نینگ ایتیشلریچه، سرمایه یاتقیزیش گه قیزیقیش کمه‌یگنی نی حل قیلیش اوچون، افغانستان ده‌گی سرمایه یاتقیزووچیلر برابریده‌گی قیینچیلیکلر تیکشیریلیشی و حلی خصوصیده مخصوص بیر کمیسیون قوریلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: ««سرمایه یاتقیزووچلرنی دعوت قیلیش اوچون بیر کمیسیون قوریلیشی و تجارت برابریده‌گی توسیق‌لیکلر حلی اوچون اولر بیلن تماس‌ده بولیششی کیره‌ک که بو رقم سرمایه یاتقیزووچلر مملکت گه قیتسه‌لر. سرمایه یاتقیزیش قانون‌لرینی توزه‌تیش و افغانستان ده سرمایه یاتقیزیش پروسه‌سینی آسانلشتیریش، سرمایه یاتقیزیشلر‌نینگ کوپه‌یتیریشی ممکن.»
عین حالده، ینگی‌لیکده ایران سودا و صناعت اتاقی باشلیغی صمد حسن‌زاده، اوشبو مملکت‌ده سرمایه یاتقیزیش اوچون افغانستان‌لیک سرمایه یاتقیزووچیلر‌نینگ کوپینچه قیزیقیشی‌دن خبر بیرگن.
اونینگ کوپه‌یتیریشیچه، ایران ده‌گی تشقی سرمایه یاتقیزووچیلردن کوپینچه‌سی افغانستان‌لیکلر بولیب و حاضر هم جدودل‌ده افغانستان‌لیکلر بیلن باغلیق بولگن ۲۰ ته تشقی سرمایه یاتقیزووچی‌نینگ دوسیه‌سی موجود دیر.
