پروان محلی مسئوللری نینگ ایتیشلریچه، اوشبو ولایت جبل‌السراج تومنی نینگ «پشته‌ی سرخ» اطرافیده، ایچکی بیر شرکت همکارلیگی بیلن قطرلیک بیر شرکت آرقه‌لی سمنت ایشلب چیقرووچی بیر ایشخانه قوریله‌دی.
جبل‌السراج ولسوالی عبدالمعروف حق‌جو نینگ سلام‌وطندار گه ایتیشیچه، مذکور ایشخانه نینگ بیرینچی تیکشیریلیشی ایران‌لیک مهندسلر گه تاپشیریلیب و ایکی ایران‌لیک مهندس بو ایشخانه نینگ قوریلیشی خصوصیده بیرینچی تیکشیریشلری نی انجام بیرگنلر.
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، کان‌لر و پترولیم وزیرلیگی آرقه‌لی بو ایشخانه نینگ قوریلیش قراردادی نی آلگن «الفلاح العالمی» شرکتی باشلیغی صفی‌الله صابر نینگ ایتیشیچه، مذکور ایشخانه ۲۷-۳۵ کیلومتر مربع ساحه‌ده قوریله‌دی.
اوشبو ایشخانه نینگ قوریلیشی بیلن، جاری ییل‌ده کونده ۳۰۰۰ تُن سمنت ایشلب چیقریلیب و ۵۰۰۰ کیشی گه ایش زمینه‌سی یره‌تیلیشی ممکن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، ۶۵ ییل آلدین جبل‌السراج تومنی‌ده سمنت ایشلب چیقرووچی بیر ایشخانه قوریلگن ایدی که حاضر فعال بولیب و ۲۴ ساعت‌ده ۶۶-۹۰ تُن سمنت ایشلب چیقره‌دی و یوزلب کیشی مستقیم و غیرمستقیم شکلده او ایشخانهده ایش بیلن شغللنگن.
