سلام افغانستان رسانه‌یی ترماغی (سلام‌وطندار رادیوسی) بوگون کابل ده، محلی رادیولرنینگ قیینچلیک‌لری و فرصت‌لرینی تیکشیریش اوچون برچه ولایت‌لردن محلی رادیولر و اسلامی امارت مسئوللری نینگ حضوری بیلن، بیر ییغین یولگه قویدی.
محلی رادیولر مسئوللری اوتگن کون سلام افغانستان رادیویی ترماغیده بیر ورکشاپ گه شرکت قیلیش بیلن، برچه قیینچلیک‌لرینی تیکشیریب و بوگون ایسه خبری بیر ییغینده اسلامی امارت مسئوللری نینگ حضوری گه بیان قیلگنلر.
محلی رادیولر مسئوللری، فنی و اقتصادی قیینچیلکلر، رسانه‌لرنینگ درآمدی کمه‌یگنی، برق کم‌لیگی و یوقلیگی و مسلکی ایشلاوچی‌لر کم‌لیگی رسانه‌لرنینگ برابریده‌گی قیینچلیکلر دیب و سلام افغانستان موسسه مسئوللریدن، اوشبو قیینچلیکلر نینگ حل ایتیلیشی و اسلامی امارت مسئوللری بیلن شریک قیلینیشی نی سوره‌شگن.
بیزلرنینگ فیسبوک صحیفه‌میزگه باش اورینگ!
مذکور مسئوللر اسلامی امارت رسمی‌لریدن، رسانه‌لر قانونی نینگ تقدیری بیللی بولیشی و شونینگدیک رسانه‌لرنینگ قیینچلیک‌لری حل ایتیلیشی اوچون، رسانه مسئوللری و حکومتی مسئوللر حضوری بیلن قوشمه بیر کمیسیون ایجاد ایتیلیشی نی سوره‌شگن.
جوزجان ده محلی بیر رادیو نینگ مسئولی رسول سرداش: «افغانستان محلی رسانه‌لری کوپینچه قیینچلیکلر اینیقسه اقتصادی قیینچلیکلر بیلن روپه‌رو دیر و رسانه‌لردن کوپینچه‌سی مالی منبع‌لرینی قولدن بیرگن. اسلامی امارت دن چیکلاولرنی رفع قیلیب و مملکت رسانه‌لریده ایرکین شکلده فعالیت قیلیشی گه رخصت بیریش‌لرینی سوره‌یمیز.»
مذکور ییغینده اسلامی امارت رئیس‌الوزرا دفتری نینگ علاقه‌لر و اهالی نی آگاه‌لنتیریش ریاست باشلیغی جمال ناصر فرهمند، سلام‌وطندار رادیوسی نینگ محلی رسانه‌لر بیلن قیلگن همکارلیگیدن قدردانلیک بیلدیریب و ولایتی رسانه‌لرنینگ قیینچلیک‌لری حل ایتیلیشی اوچون، بو رسانه نینگ نقشی نی اونملی دیگن.
اسلامی امارت ایچکی ایشلر وزیرلیگی نینگ علاقه‌لر ریاست مسئولی عبدالواحد، رسانه‌لرنینگ خوفسیزلیگی تأمین‌لنیشیدن ایشانچ بیریب و رسانه‌لردن مملکت یشاوچی‌لری نینگ حقوقی تأمین‌لنیشی و اولرنینگ ایسته‌گی نی دنیا جماعه‌چیلیگی گه ییتیشتیریش اوچون سعی و حرکت قیلیش‌لرینی سوره‌گن.
اوشبو ییغینده سلام افغانستان رسانه‌یی موسسه اورین باسری نورمحمد هاشمی، ولایتی رادیولر مسئوللریگه اقتصادی قیینچلیکلر، ظرفیت توزه‌تیش و فنی قیینچلیک‌لرینی حل قیلیش گه اولردن حمایت قیلیب و اولرنینگ هر بیر قیینچلیگی نی اسلامی امارت مسئوللری بیلن شریک قیلیش خصوصیده ایشانچ بیرگن.
محلی رادیولرنینگ فرصت‌لری و قیینچلیک‌لرینی تیکشیریش سیمینار اعضالری بیر قطع‌نامه صادر قیلیش بیلن اسلامی امارت مسئوللریدن، معلومات گه قول تاپیش، رسانه‌لرده عیال ایشلاوچی‌لری نینگ ایش‌لری دوام تاپیشی گه زمینه یره‌تیش، قطار رسانه‌لرده اسلامی امارت تامانیدن یره‌تیلگن ناقانونی چیکلاولرنینگ رفع قیلیش، مالیات تولش گه قوله‌یلیک یره‌تیش و رسانه‌لرنینگ جوازی تمدید ایتیلیشی گه همکارلیک قیلیش‌لرینی سوره‌شگن.
شونینگدیک اولر اسلامی امارت رسمی‌لریدن، سلام‌وطندار ایش‌لریگه اَره‌لشه‌دیگن مغرض و استفاده‌جو کیشیلرنینگ آلدینی آلینیشی و مذکور موسسه نینگ ۷۰۰ دن آرتیق ایشلاوچیسی و ولایتی همکارلری نینگ تقدیری بوزیلیشی و ۷۰۰ دن آرتیق عایله نینگ قیینچلیککه دوچ کیلیشی گه رخصت بیرمه‌یش‌لرینی سوره‌گن.