ایش بیلرمان‌لردن قطاری، افغانستان نینگ حاضرگی حکومتی ده آدم‌لر نینگ اطلاعاتی و سایبری خوفسیزلیگیدن خواطرده‌لر. اولر نینگ ایتیشلریچه، اسلامی امارت سرپرست حکومت نینگ سایت‌لر و الکترونیکی سیستم‌لر اطلاعاتی خوفسیزلیگی اوچون منظم پالیسی و آست قورمه‌لری یوق دیر.
بوتوغریده بیلیم یورت اوقیتووچیسی و سایبری خوفسیزلیک ایش بیلرمانی سلیم ساعی نینگ سلام‌وطندار گه ایتیشیچه: «سایبری امنیتی منظم پالیسی، سیستم‌لر و مصئون شبکه گه ایگه دیر، بو موردلر افغانستان ده تیکشیریلیب و مسلکی کیشی‌لر گه نیاز دیر. شونی اوچون افغانستان ده الکترونیک حکومتدارلیک مسلکی، آست قورمه و شونینگدیک پالیسی نقطه‌ی نظردن جدی قیینچیلیک‌لر بیلن روپه‌ره دیر.»
بیزلرنینگ فیسبوک صحیفه‌میزگه باش اورینگ!
سایبری خوفسیزلیگی ایش بیلرمان‌لریدن باشقه بیری هادی نواندیش نینگ ایتیشیچه، حکومت فقرالر نینگ اطلاعات‌لرینی سقلش گه مسئول دیر و بوتوغریده جدی دقت قیلیشی کیره‌ک.
اونگه کوره، افغانستان ده‌گی سونگی اوزگریش و اوشبو مملکت دن مسلکی و تجربه‌لی کیشی‌لر چیقیشی، افغانستان ده اطلاعات خوفسیزلیگی اوستیگه سلبی تاثیرگن قیلگن.
ینگی لیکده قطار میدیالر تامانیدن حاضرگی سرپرست حکومت نینگ مدافعه و ایچکی ایشلر وزیرلیک‌لری نینگ سایت‌لری حک بولیشی گه دایر گزارش‌لر ترقه‌لدی.
اسلامی امارت سوزلاوچیسی نینگ اورین باسرلریدن بلال کریمی، اوشبو گزارش‌لرنی رد قیلسه ده، لیکن الکترونیک داده‌لر مصئونیتی اوچون سرپرست حکومت نینگ تدبیری خصوصیده معلومات بیرمه‌یدی.
بیزلرنینگ توییترده هم تعقیب قیلینگ!
بلال کریمی نینگ ایتیشیچه: «بو موضوع انیق ایمس، مین تصدیقله‌ی آلمه‌ی من، سابق‌لرده هم بونده‌ی دییلگندی، حقیقت ایمس.»
ایتیش کیره‌ک که، افغانستان بویلب تکنالوژی و مخابرات هردایم ایریم قیینیچلیکلر بیلن روپه‌ره دیر و بوتوغریده انیق استراتیژی و سیاست نظرگه آلینمه‌گن.