ملی مدافعه وزیرلیگی اوز توییتری ده، اوشبو وزیرلیک سرپرستی محمدیعقوب مجاهد و اسلام امیرلیگی اردو ستاد باشلیغی فصیح‌الدین فطرت، چهارشنبه، ۱۲ دلو، اوشبو وزیرلیک مقری ده سابق دولت رسمی‌لری و جنرال‌لریدن بیرقطاری بیلن اوچره‌شگن‌لریدن خبر بیرگن.
مدافعه وزیرلیگی نینگ ایتیشیچه، اوشبو اوچره‌شووده دگرجنرال افضل‌امان، دگرجنرال محمدزمان احمدزی، تورن‌جنرال شعورگل، تورن‌جنرال نبی‌الله، بریدجنرال فرید، دگروال افندی و قطار جنرال‌لر و قوماندان‌لر اشتراک ایتگندیلر.
بیزلرنینگ فیسبوک صحیفه‌میزگه باش اورینگ!
مذکور اوچره‌شووده، مدافعه وزیرلیگی نینگ سرپرستی گه کوره، مملکت ده تینچلیک و ثبات برقرار ایتیلیشی، اسلام امیرلیگی نینگ یگانه غایه‌لریدن دیر.
اونینگ کوپه‌یتیریشیچه: «حاضر یره‌لرنی یاشیریش وقتی اوتگن، تعصب گه چیک قوییشیمیز کیره‌ک و اوشبو تعصب‌لر گه چیک قوییش اوچون صمیمی‌لیک و محبت قیلیش لازم.»
بیزلرنینگ توییترده هم تعقیب قیلینگ!
مدافعه وزیرلیگی گه کوره، مذکور وزیرلیک سرپرستی سابق دولت جنرال‌لری و قوماندان‌لری نینگ قیینچیلیکلری و تکلیف‌لرینی تینگلب، قیینچیلیکلر حلی و امنیت برقرار ایتیلیشیدن ایشانچ بیلدیرگن.