افغانستان تخنیکی و مسلکی تعلیمات اداره‌سی، آغاخان جمغرمه‌سی و «روپانی» مؤسسه‌سی همکارلیگی بیلن، تورت ولایت‌ده قریب ۱۴۰۰ کیشی گه آلتی آیلیک کسب-هنر اورگنیش زمینه‌سی نی یره‌تگن.
تخنیکی و مسلکی تعلیمات اداره‌سی نینگ مسلکی ایش‌لرنی رویخط‌گه آلیش آمری روح‌الله هوتک نینگ ایتیشیچه، مذکور ییگیت‌لر کابل، بغلان، بامیان و دایکندی ولایت‌لریده ۱۴ بولیم‌ده مسلکی تعلیم‌لر نی اورگنه‌دیلر.
بیزلرنینگ «ایکس» ترماغی ده هم تعقیب قیلینگ!
جناب هوتک نینگ اورغولشیچه، بو آلتی آیلیک تعلیم گه محتاج و کمبغل کیشی‌لر تنلنگن.
عین‌حالده، تخنیکی و مسلکی تعلیمات اداره‌سی دفتر باشلیغی مطیع‌عمر هدایت نینگ ایتیشیچه، ییگیت‌لر ظرفیتی نی آشیریش، مسلک اورگنیش، بازارده ایش کوچینی کوچه‌یتیریش و عایله‌لر اقتصادی نی کوچلنتیریش مقصد، بو کبی برنامه‌لر یولگه قوییله‌دی.
تخنیکی و مسلکی تعلیمات اداره‌سی نینگ اداری و مالی ایشلری بوییچه اورین‌باسری فضل‌الرحمان فاضل، خلق‌ارا مملکت‌لردن ظرفیت کوچلنیشی و ایش کوچی کوچه‌یشی بولیم‌لریده افغانستان ییگیت‌لری نی قوللب-قوتلش‌لرینی ایسته‌گن.
عین‌حالده، اوشبو مسلکی تعلیم‌لر نی اورگنیش گه اشتراک قیلگن ییگیت‌لردن قطاری، بو کبی برنامه‌لر نینگ فایده‌لی دیب و اسلام امیرلیگی‌دن بو آلتی آیلیک کورس نینگ یکونلنیشی گه قدر، اولر گه ایش زمینه‌سی یره‌تیلیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
تخنیکی و مسلکی تعلیمات اداره مسئوللری، مملکت بویلب حاضر ۸۶ مینگ کیشی مسلکی تعلیم ساحه‌لر ده اوشبو اداره تامانیدن تعلیم بیریلماقده‌لیکلرینی معلوم قیله‌دیلر.