غزه ییتّی آی دن بېری دنیا مقیاسیده اېنگ قانلی توقنشوولردن بیری گه گواه بولیب کېلماقده و کوپ سعی-حرکت‌لر بیلن بو اوروش گه حاضرگچه چېک قوییلمه‌گن و یقینده بو اوروش گه چېک قوییلیشی اوچون اونچه‌لیک امیدوارلیک یوق.
اوشبو احوال دوام اېتماقده اېکن اسرائیل اردوسی ۱۸-ثور، سه‌شنبه کونی بامداد چاغی قیسقه مدت دن سۉنگ غزه جنوبی رفح شهری گه هجوم اۉیوشتیریب و مصر بیلن چېگره بندر که انسان پرورلیک یاردم‌لر یېتکزیب بیریش یالغیز یول اېدی کنترول قیلگن.
اسرائیل اردوسی نینگ بو آلغه باریشی اېریم مناسبت‌لر جمله دن اسرائیل متحدلری نینگ قرشی‌لیگی بیلن دوچ بولگن.
گزارش‌لر اساسیده، امریکا رسمی‌لری رفح ده کېنگ کولمده حربی عملیات یولگه قوییلیشی گه قرشی اېکن‌لیکلری گه تاکیدلب، اسرائیل گه ۹۰۰ کیلولیک ۱۸۰۰ بمب و ۲۲۵ کیلولیک ۱۷۰۰ بمب یېتکزیب بیریش یاردم‌لرینی توخته‌تگن.
بیزلرنینگ فیسبوک صحیفه‌میزگه باش اورینگ!
امریکا بیلیم یورت‌لری سۉنگی کونلرده فلسطین خلقینی قۉللب-قوتله‌گن طلبه‌لر نینگ کېنگ کولمده ناراضی‌لیک نمایش‌لری گواهی بولگن بیر حالده، امریکا عملدارلری بونده‌ی قرار گه کېلگنلر.
خلق‌ارا ایش بیلرمان‌لردن بیرقطاری نینگ ایشانچی گه کوره، امریکا و غرب عامه فکرینی چلغیتیش اوچون بونده‌ی قرار قبول قیلیشی ممکن، بیراق غزه اوروشی گه عاید ایکّی تور سیاست اوینه‌یدی.
سیاسی ایش بیلرمان بلال فاطمی نینگ سلام‌وطندار گه ایتیشیچه: «غرب ایکّی تور سیاست اوینه‌ماقده چونکه غرب ده ناراضی‌لیک‌لر دوام اېتماقده و اهالی نینگ حکومت بیلن ضدیت‌لیگی کوچه‌یگن، شونی اوچون ایکّی تور سیاست اوینش گه مجبور بولگنلر، یاشیرینچ طرزده اوروش نی قۉللب-قوتله‌یدی و عمل ده اوروش توخته‌تیلیش گه طرفدارلیک‌لرینی کورسه‌تیش گه اۉرینه‌دیلر.»
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی باش کاتبی آنتونیو گوترش، اسرائیل نینگ رفح شهری گه ییر عملیاتیدن تنقید قیلیب و بو عملیات نی استراتیژیک خطا دیب و اسرائیل دن رفح بندرینی آچیشینی اېسته‌گن.
شونینگدیک، بریتانیا باش وزیری ریشی سوناک، غزه ده‌گی اوروش ایکیله تامانی گه مذاکره قیلیش فرصتی بیریلیشینی طلب قیلگن.
بیراق اسرائیل برچه طلب‌لر و دنیا تنقیدلری گه اعتبار بیرمسدن غزه ده اوروش گه دوام بیریب کیلماقده.
شو بیلن بیرگه، مصر پایتختی ده غزه ده آتیش کېسین برقرار اېتیلیشی اوچون اسرائیل، مصر و قطر هیات‌لر اۉرته‌سیده مذاکره‌لر دوام اېتماقده.
معلومات‌لر اساسیده، حاضرگچه حماس گروهی تامانیدن آتیش کېسین برقرار اېتلیش پیش‌نویس تصدیقلنگن بیراق اسرائیل مذاکره قیلووچی هیأتی اونی رد اېتگن.
ایش بیلرمان‌‌لر غزه اوروشی گه چېک قوییش و دایمی آتیش کېسین برقرار اېتیلیشی اوچون مملکتلر نینگ ایکّی تور سیاست‌لریدن تنقید اېته‌دی.
ایتیش کېره‌ک غزه و رفح ده اوروش عین‌حالده کېنگه‌یماقده حاضرگچه بیرلشگن ملتلر تشکیلاتی خوفسیزلیک کینگشی بیرینچی مراتبه قویاش اوشبو ییل آلتی حمل ده، غزه ده آتیش کېسین برقرار اېتیلیشی اوچون قطع‌نامه نی تصدیقلش گه اولگورگندی؛ لېکن بو قطع‌نامه اسرائیل تامانیدن رد بولیب و اونچه‌لیک عملگه آشیریلمه‌دی.
ایتیش کېره‌ک بو تامانده ایران و افغانستان اسلام امیرلیگی کبی مملکتلر اسرائیل نینگ رفح گه ییر عملیاتی یولگه قوییلیشیدن تنقید اېتگن.
