اسلامی امارت تشقی ایشلر وزیرلیگی آمریکا جمهوررئیسی جو بایدن، افغانستان بیر دولت آستیده بیرلشیتیریش امکانی یوقلیگی خصوصیده‌گی بیاناتی گه عکس‌العمل کورستیب و اونی جدی بیر شکلده رد قیلگن.
اسلامی امارت تشقی ایشلر وزیرلیگی سوزلاوچیسی عبدالقهار بلخی، بوگون توییتر صحیفه‌سیده یازیشیچه: «بونده هیچ شک یوق که افغان‌لر هیچ بیرزمان متحد متجاوزلر نینگ هجومی آستیده قالمه‌گنلر؛ بلکیم ملت نینگ کوپینچه‌سی جدی بیر اتفاق بیلن متجاوزلر قرشیسیده مشروع شکلده کوره‌شگنلر.»
بیزلرنینگ توییترده هم تعقیب قیلینگ!
شونیندیک تشقی ایشلر وزیرلیگی سوزلاوچیسی نینگ یازیشیچه، جوبایدن نینگ افغانستان امپراطورلر نینگ گورستانی خصوصیده‌گی بیاناتی، اوزی افغانستان اهالی‌سی نینگ اتحادی گه اعتراف قیلیش دیر. اونینگ اوغولشیچه: «بالغیز بیر ملت، بویوک امپراطورلر و متجاوزلر نینگ اورته‌دن کیتیشی گه سبب بوله‌آله‌دی.»
عبدالقهار بلخی نینگ ادعا قیلیشیچه، اسلامی امارت افغانستان‌دن تشقی حربی‌لر نینگ چیقارگنیدن کیین، قیسقه بیر زمان‌ده همه‌تامان امنیتی نی تامین، واحد مرکزی بیر نظام نی یره‌تیب و اهالی نی متحد قیلگن.
اونگه کوره، نفاق تشقی بیر پدیده دیر که متجاوزلر حیات کیچیریش اوچون اونینگ کوپه‌تیریش نی ایسته‌یدیلر، بیراق اونینگ قرشیسیده، افغانستان یشاوچیلری اسلامی عقیده‌لر و تاریخی افتخارلری اساسیده، متجاوزلر نی شکست بیریب و حاضر ایسه رقیب بیر مملکت گه اوزگریش اوچون محکم آدیم‌لر باسماقده.
شونده‌ی بیرحالده، ایکی کون آلدین جو بایدن خبری بیر ییغینده افغانستان‌دن چیقیش حقیده اوز قراریدن دفاع قیلیب و ایتیشیچه، افغانستان امپراطورلر نینگ گورستانی دیر. بایدن گه کوره، افغانستان نی بیر دولت آستیده متحد قیلیش نینگ امکانی یوق.