اسلام امیرلیگی تشقی ایشلر وزیرلیگی سرپرستی امیرخان متقی، ایران پایتختی تهران ده فلسطین ده‌گی اوروش گه دایر یولگه قوییلگن ییغیلیش ده، اسرائیل بیلن اوروش ده فلسطین اهالیسی دن حمایتینی بیلدیریب ایتیشیچه، فلسطین یشاوچیلری نینگ کوره‌شی دینی و شرعی بیر مسئله دیر.
امیرخان متقی، اسلامی اولکه‌لردن فلسطین ده‌گی اوروش و یشاوچیلری نینگ اولیمی گه چیک قوییش اوچون، کوپراق سعی‌وحرکت قیلیش‌لرینی ایسته‌گن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «فلسطین یشاوچیلری نینگ اولیمی گه چیک قوییش اوچون منطقه ده‌گی اولکه‌لر کوپراق سعی‌وحرکت قیلیشی کیره‌ک. بو تلاش‌لر فلسطین ده‌گی مسئله دایمی و عادلانه شکلده حل بولیشی اوچون دوام تاپیشی لازم.»
شو بیلن بیرگه، سیاسی ایش بیلرمان‌لردن بیرقطاری نینگ ایشانچی گه کوره، ایران افغانستان اسلام امیرلیگی تشقی ایشلر وزیرلیگی سرپرستی نینگ حضوری دن سیاسی فایده‌لنیش آرتیده دیر.
اولر، افغانستان نینگ حاضرگی سیاسی وضعیتیدن خواطر بیلدیریب ایتیشلریچه، اسلام امیرلیگی تشقی ایشلر وزیرلیگی سرپرستی نینگ اوشبو بیاناتی، اسلام امیرلیگی و غرب اولکه‌لری آره‌سیده کیسکین‌لیککه سبب بولیشی ممکن.
سیاسی ایش بیلرمان عزیز استانکزی، مملکت تشقی ایشلر وزیرلیگی سرپرستی نینگ بیاناتینی افغانستان کیله‌جگی اوچون زیانلی عنوان قیله‌دی.
بیزلرنینگ «ایکس» ترماغی ده هم تعقیب قیلینگ!
اونگه کوره: «اسلام امیرلیگی حاضرگچه تن آلینمه‌ی و انسان پرورلیک یاردم‌لر هم کمه‌یگن و هیچ بیر ییغیلیش ده نماینده‌لری چقیریلمه‌یدی، بو کبی بیر مملکت اوچون تشقی ایشلر وزیرلیگی سرپرستی نینگ بو گَل بیاناتی افغانستان کیله‌جگی اوچون زیانلی بولیب و بولر اوزلری اوچون جنجل تاپماقده.»
سیاسی ایش بیلرمان یوسف امین‌زازی گه کوره، امیرخان متقی نینگ بیانات‌لری اسلام امیرلیگی رسمی‌لری نینگ نه فقط تحریم‌لر رویخطی دن چیقره آلمه‌یدی، بلکه اسلام امیرلیگی نینگ باشقه رسمی‌لرینی هم بو رویخط گه کیریتیلیشی گه سبب بوله‌دی.
او نینگ ایتیشیچه: «تشقی ایشلر وزیرلیگی سرپرستی نینگ اسرائیل اوروش‌لرینی قاره‌لش بیاناتی، اسلام امیرلیگی رسمی‌لری نینگ کوپراق تحریم بولیشی گه سبب بوله‌دی و کوپراق اهالی زیان کوره‌دی.»
اسلام امیرلیگی، فلسطین یشاوچیلریدن حمایت قیلیش بیلن، بوندن هم فلسطین اهالیسی نینگ اولیمی برابری ده دنیا اولکه‌لری نینگ جیم‌لیگیدن تنقید ایتگن.