کابل شهری نینگ قوای مرکز منطقه‌سیده بولگن دکاندارلردن بیرقطاری پولیس و ترافیک نینگ باج آلیشی دن تنقید قیلگنلر. اولرنینگ ایتیش‌لریچه، پولیس رسمی‌لری، ترافیک بیلن بیرلیکده دکاندارلرنینگ موترلرینی جریمه قیلیب و دکاندارلردن باج آله‌دی.
اوشبو دکاندارلرنینگ ادعا قیلیش‌لریچه، پولیس و ترافیک‌که پول بیرمه‌گن صورت‌ده، اولر ایش‌لریگه ممانعت ایجاد قیلیب و کسبه کارلرنی اذیت قیله‌دیلر.
دکاندارلردن بیری حامد نینگ سلام‌وطندارگه ایتیشیچه، پولیس و ترافیک قوای مرکز ده بولگن دکاندارلرنینگ هر بیر موتریدن کونده ۱۰۰ افغانی باج آله‌دی.
عزیزالله، قوای مرکزده دکاندارلیک قیله‌دیگنلردن باشقه بیری دیر. اونینگ ایتیشیچه، پولیس‌گه باج بیرمه‌گن حالده، موترلری اولر تامانیدن پنچر قیلینه‌دی.
سلیم نی هم قوای مرکز ده دکانی بار. اونینگ ایتیشیچه، بوتوغریده پولیس ایکینچی حوزه‌سیگه تلفون آچگنلر، لیکن هیچ‌کیم جواب قیترمه‌گن.
ایکینچی ناحیه دکاندارلری نینگ نماینده‌سی بهبود، پولیس و ترافیک نینگ دکاندارلردن باج آلیشی‌نی تصدیق‌لب ایتیشیچه، بو قیین‌چیلیک‌نی حل قیلیش اوچون ایکینچی امنیتی حوزه‌گه مراجعت قیلگن‌لریدن سونگ، اولرگه قرشی قیین‌چیلیکلر کوپه‌یگن.
اونینگ ایتیشیچه، بیرینچی‌دن ایکینچی امنیتی حوزه مسوول‌لری بوتوغریده یاردم بیریشدن وعده بیرگن‌لر، بیراق یاردم بیرمه‌گن.
کابل پولیس قومندانلیگی بو موضوع تیکشیریلیشی اوستیگه تاکید قیلگن.
کابل پولیس قومندانلیگی سوزلاوچیسی فردوس فرامرز نینگ ایتیشیچه، پولیس‌نی هیچ‌کیم دن پول آلیش اوچون حقی یوق.
اونینگ کوپه‌یتیریشیچه، بو موضوع جدی شکلده تیکشیریله‌دی و عامل‌لر بیلن قانونگه کوره یول باریله‌دی.
