بوگون (چهارشنبه، ۴-اسد)، صناعت و سوداگرلیک وزیرلیگی مسئوللری، «دولت نینگ ملت گه حساب بیریش» برنامه‌سیده ایتیشلریچه، خارجی سرمایه یاتقیزووچیلر افغانستان ده ایکی میلیارد دالرگچه سرمایه یاتقیزش اوچون علاقه کورستگنلر.
صناعت و سوداگرلیک وزیرلیگی مسئوللری تامانیدن ارایه بولگن معلومات اساسیده، حاضر ایسه افغانستان ده خارجی سرمایه یاتقیزووچیلر تامانیدن ۱۵۰ میلیون‌دن آرتیق دالر بیلن سرمایه یاتقیزیلگن.
شونده‌ی بیرحالده، خارجی سرمایه یاتقیزووچیلر افغانستان ده برق و کان خصوصیده سرمایه یاتقیزیش گه کوپراق قیزیققن‌لر.
بیزلرنینگ توییترده هم تعقیب قیلینگ!
بو توغریده صناعت و سوداگرلیک وزیرلیگی سرمایه یاتقیزیش بولیمی نینگ رواجلتیریش رئیسی صبغت‌الله آخند‌زاده نینگ ایتیشیچه: «خارجی سرمایه یاتقیزووچیلر افغانستان گه کیلیب و اوشبو مملکت‌‌ده قریب ایکی میلیارد دالرگچه سرمایه یاتقیزیش گه تیارگرلیک‌لری نی بیلدیردیلر.»
شونده‌ی بیرحالده، صناعت و سوداگرلیک وزیرلیگی نینگ اعلام قیلیشیچه، اوتگن بیر ییل‌ده قریب بیر مینگ عیال سوداگر شامل ۷ مینگ‌دن آرتیق سرمایه یاتقیزووچی گه اوشبو وزیرلیگ آرقه‌لی فعالیت جوازی ترقه‌تیلگن.
عین حالده، صناعت و سوداگرلیک مسئوللری اسلام امیر‌لیگی نینگ قدرت گه ایریشگنی‌دن کیین، ۵۰ گه یقین ینگی فابریکه نینگ تاسیس بولیشی و اوتگن ییل‌لر تورلی سبب‌لر اوچون فعالیت‌لری نی توخته‌تگن ۸۰ فایز فابریکه‌لر نینگ فعال بولینیشی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
شوندی بیرحالده، صناعت و سرمایه و سوداگرلیک وزیرلیگی مسئوللری سلام‌وطندر تامانیدن سوره‌لگن سوراق‌لر خصوصیده ایتیشلریچه، حاضر ایسه توپلم شکلده ۵ مینگ فابریکه اوشبو وزیرلیک‌ده ثبت دیر.
بو توغریده صناعت و سوداگرلیک وزیرلیگی سرپرستی نورالدین عزیزی نینگ ایتیشیچه: «یانیمیز‌ده بولگن بیش مینگ فابریکه آماری، خصوصی سکتور آرقه‌لی اعلام بولگن آمار دیر و بیزلر گه هم ارایه بولگن. کیله‌سی ییل‌گچه فابریکه‌لر نینگ آماری نی دیتابیس گه اوتکزیب و اعلام قیلیشی‌میز ممکن.»
باشقه بیر تاماندن، صناعت و سوداگرلیک وزیرلیگی مسئوللری نینگ بیان قیلیش‌لریچه، ایچکی تولید‌لردن قوللنیش اوچون سرپرست حکومت کابینه‌سی گه ارایه بولگن طرح، تصویب بولگن دیر.
