سرپرست حکومت، مملکت نینگ بندرلریده سوداگرلر گه قولی‌لیک یره‌تیلیش وعده‌سینی بیرگن بولسه ده، بیراق بلخ ده سوداگرلردن بیرقطاری صادراتی محصوللری گه جبر دن دوا سیپیلیشیدن شکایت قیله‌دیلر.
سلام‌وطندار بیلن صحبت اوتکزگن سوداگرلردن بیرقطاری نینگ ایتیشلریچه، خصوصی بیر نهاد حکومت نینگ اویغون‌لیگی بیلن صادراتی محصوللر گه دوا سیپیشنی جبری قیلگن و هر موتر دن ۱۶ مینگ افغانی پول آله‌دی.
سوداگرلر دوا سیپیش خره‌جتی یوقاری‌لیگیدن نالیب ایتیشلریچه، بو جریان مملکت نینگ باشقه بندرلریدن کوتاریلیب و یالغیز حیرتان سوداگرلیک بندری ده قالگن.
بیزلرنینگ فیسبوک صحیفه‌میزگه باش اورینگ!
سوداگرلردن ذبیح‌الله کهمردی، صادراتی محصوللر گه دوا سیپیش جریانی یکونی اوستیگه تاکیدلب ایتیشیچه: «بیر موتر ده‌گی محصوللرنی دوا سیپیش و ۲۴ ساعت کوتیش دن کیین ۱۶ مینگ افغانی توله‌یمیز. عین‌حالده، اسلام امیرلیگی رهبریتی نینگ بویروغی بیلن مملکت نینگ باشقه بندرلری باجخانه‌سیده دوا سیپیش جریانی کوتاریلگن.»
سوداگرلردن باشقه بیری قلندر رحیمی نینگ سلام‌وطندار گه ایتیشیچه، سرپرست حکومت صادراتی محصولات نی طلب قیلگن اولکه‌لر نینگ طلبی گه قره‌مسدن، آزیق_آوقت اینیقسه قوروق و تازه میوه‌لر گه دوا سیپه‌دی.
اونگه کوره: «سوداگرلیک توارلرنی اولکه‌لر دوا سیپیلمس دن ساتیب آله‌دیلر، بولردن جبری روشده دوا سیپمسلیک‌لرینی ایسته‌یمیز. طلب قیلگن مملکت‌لر دوا سیپیشنی سوره‌گن حالده، بیز بو ایشنی قیله‌میز.»
برچه‌سی بیلن، بلخ ولایتی باجخانه مسئولی نینگ ایتیشیچه، سوداگرلر گه قولی‌لیک یره‌تیش و قیینچیلیک‌لری حلی اوچون سعی‌وحرکت قیلماقده‌لر.
بیزلرنینگ «ایکس» ترماغی ده هم تعقیب قیلینگ!
بلخ ولایتی حیرتان بندری باجخانه باشلیغی محمدعبدالله بلال نینگ ایتیشیچه: «بیز برچه سوداگرلر نینگ قیینچیلیک‌لرینی تینگله‌دیک و حلی اوچون تلاش قیله‌یپمیز. اسلام امیرلیگی هردایم سوداگرلر گه قولی‌لیک یره‌تیش مقصدیده تلاش قیلگن.»
برچه‌سی بیلن، بلخ سوداگرلیک و سرمایه یاتقیزیش اتاق باشلیغی سوداگرلر گه قولی‌لیک یره‌تیلیشی اوستیگه تاکیدلب ایتیشیچه، افغانستان ده سونگی سیاسی اوزگریش باعث مملکت دن سرمایه‌لرینی چیقرگن سوداگرلردن، افغانستان گه کیلیب سرمایه یاتقیزیش‌لرینی طلب قیله‌دی.