معلومات‌لر اساسیده، پرتگال نینگ ۳۷ یاشلی فوتبال یولدوزی کریستیانو رونالدو، سعودی عربستان ۲۰۳۰ ییل دنیا کپی میزبان‌لیگینی کسب ایتیش اوچون اوشبو مملکت نینگ سعی و حرکت‌لریدن حمایت ایتیش مقصدیده مذکور مملکت دن ۲۰۰ میلیون یورو قولگه کیریته‌دی.
سه‌شنبه کونی، ۱۰ جنوری، بیر منبع کیم‌لیگی سر قالیش شرطی بیلن فرانس ۲۴ گه ایتیشیچه: «رونالدو سعودی عربستان نینگ سعی و حرکت‌لری اوچون فوتبال ایلچیسی اوله‌راق رول اوینه‌یدی و درآمد مقداری ۴۰۰ میلیون یورو دن آشیشی ممکن.»
بیزلرنینگ فیسبوک صحیفه‌میزگه باش اورینگ!
منبع نینگ کوپه‌یتیریشیچه، اوشبو قرارداد سعودی عربستان پادشاه‌لیگی ییریک اعضالری جمله دن محمد بن سلمان، ولی‌عهد تامانیدن حمایت بوله‌دی؛ چونکه اولر النصر کلوبی حمایتچیلری دیر.
مصر و یونان بیلن نفتلی شاهی مملکت سعودی عربستان، قوشمه روشده ۲۰۳۰ ییل دنیا کپی میزبان‌لیگینی کسب ایتیش مقصدیده سعی و حرکت قیلماقده‌لر.
رئال مادرید، منچستر یونایتد و یونتوس کلوب‌لری نینگ سابق اویینچیسی، قطر دنیا کپی اویین‌لریدن نیچه هفته دن سونگ، سعودی عربستان‌لیک النصر کلوبی بیلن قرارداد امضاله‌دی.
بیزلرنینگ توییترده هم تعقیب قیلینگ!
رونالدو بیش آلتین توپ غالبی و اروپا قهرمان‌لر لیگی ده بیش مراتبه رئال مادرید بیلن اوشبو لیگ کپینی باش گه کوتارگن و شونینگدیک اوشبو لیگ ده گول اوروچیلر رکورداری دیر، النصر اوچون بیرینچی اویینینی ۲۲ جنوری ده باشله‌شی کوتیله‌دی.
