آمریکا بیرلشمه ایالتی نینگ سابق جمهوررئیسی دونالد ترامپ، روسیه و اوکراین آره‌سیده‌گی آتیشمه دوامی‌دن هشدار بیریب و ایتیشیچه، اوکراین گه روسیه نینگ نیچه تامانلمه هجومی، دنیا اوروشی گه سبب بولیشی ممکن.
آمریکا جمهوررئیسی فکس‌نیوز بیلن اوتکزگن خاص صحبتیده اورغولشیچه، جوبایدن نینگ دولتی روسیه جمهوررئیسی ولادیمیر پوتین نینگ توخته‌تیشی اوچون «تحریم‌لردن کوپ» اقدام‌لر نینگ قولگه آلیشی کیره‌ک.
اونینگ کوپه‌یتیریشیچه، اوکراین گه روسیه نینگ هجومی هیچ بیر زمان یوز بیرمسلیگی ممکن ایدی. ترامپ گه کوره: «بو دهشت‌لی بیر نرسه دیر. هیچ بیر صورت‌ده یوز بیرمسلیگی ممکن ایدی.»
بیزلرنینگ فیسبوک صحیفه‌میزگه باش اورینگ!
ترامپ نینگ آگاه‌لنتیریشیچه، روسیه و اوکراین نینگ اوروشی باشقه مملکت گه اوتیب و دنیا اوروشی گه سبب بولیشی ممکن. اونگه کوره، اوکراین گه روسیه هجومی، تایوان نینگ تصرفی اوچون چین گه جسارت بیرگن.
روسیه جمهوررئیسی ولادیمیر پوتین، اوتگن هفته پنج‌شنبه کونی اوکراین گه قرشی حربی عملیات نینگ باشلنگنیدن خبر بیریب و مذکور مملکت گه هوایی و زمینی هجوملری نی باشله‌دی. اوکراین‌ده روسیه حربی عملیاتی نینگ حاضرگچه دوامی بار و گزارشلر اساسیده، روسی حربی‌لر اوکراین پایتختی کی‌یف شهریگچه ییتیشگنلر.
بیزلرنینگ توییترده هم تعقیب قیلینگ!
شونده‌ی بیرحالده، اوکراین جمهوررئیسی ولادیمیر زلنسکی مملکتیدن دفاع قیلیش خصوصیده تاکید قیلگن. شونینگدیک او، یشاوچیلریدن قورال آلیب و روسیه نینگ تهاجمی گه قرشی مبارزه قیلیشلری نی سوره‌گن.
باشقه بیرتامان‌دن اروپایی مملکت‌لردن قطاری اوکراین‌دن حمایت قیلیب اعلام قیلیشیچه، مذکور مملکت گه حربی تجهیزات و قورال یوباره‌دی. عین حالده، اوشبو مملکت‌لر روسیه هجوملری نی قاره‌لب و بو مملکت گه قرشی تحریم‌لر وضع قیلگن.