افغانستان ده کیتمه-کیت تورتینچی ییل قوروقچیلیک دوام ایتیشی، تورلی ولایت‌لر یشاوچیلرینی سوو تنقیص‌لیگی بیلن روپه‌ره قیلگن؛ اولر ارا میمنه شهری «دمقول» قیشلاغی یشاوچیلری سکیز آی‌دن بیری اوشبو وضعیت بیلن روپه‌ره دیر.
۱۰ ییل آلدین فاریاب تومن‌لریدن میمنه گه کیلگن فاریاب مرکزی میمنه شهری نینگ بیرینچی و تورتینچی ناحیه‌لریده ییرلشگن دمقول قیشلاغی یشاوچیلری نینگ ایتیشلریچه، ایچیملیک سوو گه قول تاپه آلمسلیک، اولر نی کوپینچه قیین‌چیلیک بیلن روپه‌ره قیلگن. اولر نینگ کوپه‌یتیریشلریچه، نیازلری بولگن سوو نی ریکشا، موترسایکل یا-ده مرکب (ایشک) آرقه‌لی ۲۰۰ افغانی کرایه بیلن میمنه شهری‌دن تامین‌له‌یدیلر.
دمقول قیشلاغی یشاوچیسی محمد امین نینگ سلام‌وطندار گه ایتیشیچه: «قیین‌چیلیک کوپ دیر اینیقسه سوو خصوصیده اهالی کوپینچه قیین‌چیلیک بیلن روپه‌ره دیر؛ هر کیم نی کورسه‌ییز قوطی قولیده سوو آلیش کییتی‌ده دیر. شهر‌دن بیر ریکشا سوو نی ۱۵۰-۲۰۰ افغانی کیلتیره‌دیلر. اهالی‌دن کوپ قطاری اقتصادی قیین‌چیلیک بیلن روپه‌ره دیر و ایشک یا-ده موترسایکل آرقه‌لی سوو کیلتیره‌دیلر.»
بیزلرنینگ فیسبوک صحیفه‌میزگه باش اورینگ!
دمقول قیشلاغی یشاوچیلریدن باشقه بیری نثاراحمد نینگ ایتیشیچه، اوشبو قیشلاغ یشاوچیلریدن کوپ قطاری ایچیملیک سوو گه قول تاپه آلمه‌سلیک سبب، تورلی‌خیل کسللیکلر گه چلینگنلر. اونینگ کوپه‌یتیریشیچه: «هیچ سوو یوق، برچه اهالی ایچیملیک سوو قیین‌چیلیگی بیلن روپه‌ره دیر. شهر نینگ بیر کیلومتری‌لیگیده حیات کیچیره‌میز؛ بیراق ایچیش اوچون سووی‌میز یوق. کیچیک‌دن بویوک ایچیملیک سوو یوقلیگی سبب، تورلی‌خیل کسللیکلر بیلن روپه‌ره‌لر.»
دمقول قیشلاغی مردمی کینگش رئیسی عبدالحکیم نینگ ایتیشیچه، اوشبو قیشلاغ یشاوچیلری ایچیملیک سوو گه قول تاپه آلمه‌سلیک یانیده، شونینگدیک درمانی مرکز، مکتب و سرک یوقلیگی بیلن روپه‌ره‌لر.
اونینگ کوپه‌یتیریشیچه، مذکور قیشلاغ یشاوچیلری نینگ ایچیملیک سوو خصوصیده قیین‌چیلیک‌لری نینگ حل قیلینیشی اوچون، نیچه مرته قیشلاغلر نی رواجلنتیریش و قیته قوریش ریاستی و یاردم بیرووچی موسسه‌لردن یاردم ایسته‌گنلر؛ بیراق حاضرگچه قیین‌چیلیک‌لری حل بولمه‌گن. «سکیز آی‌دن بیری سووی‌میز یوق، قودوق بار، ذخیره بار، کوچه‌لر گه نل تارتیلگن، بیر پمپ خصوصیده قیین‌چیلیگیمیز بار که، کمبغل اهالی‌میز کوچی‌میز ییتیشمه‌یدی. مسئوللر توزه‌تیلیشی خصوصیده سوز بیرگنلر.»
بیزلرنینگ توییترده هم تعقیب قیلینگ!
شونده‌ی بیرحالده، فاریاب قیشلاغلر نی قیته قوریش و رواجلنتیریش رئیسی تورجان احمدی نینگ سلام‌وطندار گه ایتیشیچه، اسلام امیر‌لیگی نینگ قدرت گه ایریشگنی‌دن کیین، فاریاب نینگ تورلی بولیم‌لریده سوو ییتکزیش اونلب پروژه اولویت‌ده قرار تاپگن ایدی، تکمیل بولیب و اهالی قیین‌چیلیگی بیراز حل بولگن.
جناب احمدی نینگ کوپه‌یتیریشیچه: «قریب برچه تومن‌لرده سوو بولیمی‌ده ایشلنگن، بعضی‌لری پلان‌ده، بعضی‌لری نینگ ایشی تکمیل بولگن و بعضی‌سی ایش آسیتیده دیر. اهالی گه سوو و فرعی سرک‌لر خصوصیده سوز بیره‌میز که، قیشلاغلر نی رواجلنتیریش وزیرلیگی یا-ده همکار موسسه‌لر نینگ هما‌هنگ‌لیگی‌ده توجه بولیشی ممکن.»
دمقول بالا و پایین قیشلاغی، میمنه شهری مرکزی‌دن ایکی کیلوکتر فاصله‌سی بار و ایکی‌مینگ‌دن آرتیق عایله حیات کیچیره‌دی که، ایچیملیک سوو، تعلیمی و درمانی خذمت‌لر گه قول تاپه آلمه‌گنلر.