گلبدین حکمتیار رهبری‌لیگی‌ده افغانستان اسلامی حزب اعضالریدن بیری، کیم‌لیگی سِر قالیش نی ایسته‌ب سلام‌وطندار گه تصدیق قیلگن که، بوگون توش‌دن کیین، مذکور حزب دفتری گه بمب جایلشتیریلگن موتر هجومی نینگ آلدی آلینگن.
اوشبو منبع گه کوره، افغانستان اسلامی حزب دفتری گه کیریش ایسته‌گن ایکی هجوم‌چی، گلبدین حکمتیار نینگ قوریق‌چیلری آرقه‌لی هدف آستیده قرار تاپیب و هلاک بولگن.
بیزلرنینگ توییترده هم تعقیب قیلینگ!
منبع نینگ کوپه‌یتیریشیچه، هجوم‌چیلر پارتلش ماده جایلشتریلگن موتر بیلن، جناب حکمتیار نینگ دفتری گه هجوم قیلماق‌چی ایکنلر؛ بیراق موتر اوشبو دفتر نینگ کیریش دروازه‌سیده پارتله‌گن.
منبع کوره، هجوم‌چیلر اسلامی حزب دفتری نینگ مسجدی برابری گه ییتیشگن ایکنلر و اوشبو مسجد گه کیرماق‌چی ایکنلر؛ لیکن مذکور ییر‌ده جناب حکمتیار نینگ قوریق‌چیلری آرقه‌لی تانیلیب و هدف آستیده قرار تاپگنلر. گلبدین حکمتیار، جمعه کون‌لر خطیب عنوانی‌ده اوشبو مسجد‌ده جمعه نمازی نی ادا قیله‌دی.
باشقه بیر تاماندن، اسلامی حزب نینگ مذکور عضوی سلام‌وطندار گه بیر خبرنامه یوباریش بیلن ایتگن که، قوراللی کیشی‌لر هجوم قیلیش برنامه‌لری بار ایکن؛ بیراق اولر نینگ طرحی هدف گه یتیشیش‌دن آلدین، خنثا بولگن.
خبرنامه‌ده کیلگن که، اسلامی حزب رهبری و اوشبو حزب اعضالری گه هیچ زیان ییتیشمه‌گن و یالغیز ایکی قوریق‌چیسی یره‌لنگن.
بیزلرنینگ فیسبوک صحیفه‌میزگه باش اورینگ!
کابل خوفسیزلیک مسئوللری حاضرگچه بو توغریده هیچ بیر نرسه دیمه‌گنلر.
حاضرگچه بیرار گروه یا-ده شخص اوشبو هجوم مسئولیتی نی بوینیگه آلمه‌گن.