افغانستان نینگ اهالی‌سیدن قریب ۸۰ فایزی ایکینچیلیک بیلن شغللنگن دیر؛ بیراق سونگی ییل‌لرده‌گی کیت‌مه-کیت قوروق‌چیلیکلر و هوا اوزگریشی، مذکور مملکت‌ده ایکینچیلر گه زیان ییتیشتیرگن.
تخار ده ایکینچیلردن قطاری، یامغیر کمه‌یشیدن خواطر بیلدیریب ایتیشلریچه، یامغیر یاغیشی کمه‌یگنی و کیت‌مه-کیت قوروق‌چیلیکلر، اولر نینگ ایکین‌زارلری گه زیان ییتیشتیریب و ایکینچیلیک محصوللر قیمتی‌نی کوپه‌یتیرگن دیر.
بیزلرنینگ «ایکس» ترماغی ده هم تعقیب قیلینگ!
تخار ولایتی دشت قلعه تومنی ده ایکینچیلردن بیری عین‌الدین نینگ ایتیشیچه: «جاری ییل‌ده قار و یامغیز یاغمسلیگی سبب، دشت قلعه و باشقه تومن‌لر قوروق‌چیلیک قیین‌چیلیگی بیلن روپه‌ره بولگن. دشت قلعه یشاوچیلریدن ۷۰ فایزی نینگ ایشی نی، للمی ایکین‌زارلر تشکیل بیره‌دی.»
ایکینچیلردن باشقه بیری قدرت‌الله نینگ ایتیشیچه: «دولت کوکچه دریاسیدن خواجه‌بهاءالدین گچه کانال قازیش نی قولگه آلگنی صورت‌ده، اهالی قوروق‌چیلیک، قار و یامغیز خصوصیده خواطرلنمه‌یدیلر.»
باشقه بیر تاماندن، تخار یشاوچیلریدن قطاری نینگ ایتیشلریچه، قوروق‌چیلیک دوام قیلگنی، اوشبو ولایت‌ده ییگولیک ماده‌لر قیمتی یوقاری کیتیشی گه سبب بولیشی ممکن.
تخار یشاوچیسی بولمیش محمد نینگ ایتیشیچه: «قوروق‌چیلیک اقتصادی‌میز گه زیان ییتیشتیرگن. بیر سیر بوغدای نی ۱۰۰ افغانی ساتیب آلگنی‌میز صورت‌ده، قوروق‌چیلیک بولسه ۳۰۰-۴۰۰ افغانی آله‌میز .»
شونینگدیک تخار یشاوچیلریدن باشقه بیری عبدالبصیر نینگ ایتیشیچه: «اوتگن ییل یخشی ایدی؛ بیرق حاضر ایسه یامغیر یوق. شونینگدیک کیمیاوی کود هم قیمت بولگن و بو توغریده نیچه ییل‌دن بیری ایکینچیلر ضرر کوره‌دی.»
شونده‌ی بیرحالده، تخار ایکینچیلیک، سووغاریش و چاروه‌چیلیک ریاستی نینگ رواجلنتیریش مدیری عبدالاعلا رادمرد نینگ ایتیشیچه، مذکور ریاست ایکینچیلردن حمایت قیلیش اوچون، بیر قطار برنامه‌لر نی قولگه آلگن دیر.
اونینگ کوپه‌یتیریشیچه: «توغان قوریش برنامه‌سی قولگه آلینگن، کوکچه و آمو توغانی قورلیشی گه مالی کوچیمیز ییتیشه‌دی. اورته شکلده ۵۰۰ مینگ جریب نی للمی‌دن آبی گه اوزگرتیره آله‌میز که ایکینچیلردن قطاری کینگ بیر شکلده اوندن قوللنسینلر.»
لیکن تخار ده اطراف-محیط بوییچه ایش بیلرمانلری نینگ ایتیشلریچه، قوروق‌چیلیک و یامغیر یاغمسلیگی، افغانستان ده هوا اوزگریشی عاقبتلریدن دیر.
بیزلرنینگ فیسبوک صحیفه‌میزگه باش اورینگ!
اطراف-محیط بوییچه ایش بیلرمان ذبیح‌الله محمودی نینگ ایتیشیچه، سرپرست حکومت و یشاوچیلر توغان قوریش بیلن ییر آستی سوو منبع‌لری نی کوچلنتیره آله‌دیلر. اونینگ کوپه‌یتیریشیچه: «یشاوچیلر ییر آستی سوولر نینگ کوپه‌یشی اوچون، هر اوی‌ده بیر ته جذبی قودوق قازه آله‌دیلر که بو رقم سوو ضایع بولمه‌یدی. حکومت هم لایحه‌لر نینگ قولگه آلیشی کیره‌ک.»
بوندن آلدین خلق‌ارا بیش تشکیلات افغانستان ده قوروق‌چیلیک دوام قیلیشی عاقبتلری خصوصیده آگاه‌لنتیریب و هوا اوزگریشی و قوروق‌چیلیک اوشبو مملکت جمعیتی‌دن یریمی‌دن آرتیغی گه تاثیر قیلیشی نی اَیتگنی بیرحالده، تخار ده ایکینچیلر قوروق‌چیلیکلر دوامی و یامغیر یاغمسلیگی خصوصیده خواطر بیلدیرگنلر.
