سمنگان ولایتی درهیصوف پایین تومنی «شیخک‌فولاد» قیشلاغی ده بیر مینگ دن آرتیق عایله تیریکچیلیک قیله‌دی، اوشبو قیشلاق تومن مرکزی دن قریب سکیز ساعت اوزاق دیر.
مذکور قیشلاق یشاوچیلری نینگ ایتیشلریچه، قودوق و بولاق‌لری قوریب قالگن و اولر ایچیمیلیک سوولرینی تامینلش اوچون قوشنی قیشلاق‌لر دن، آلتی ساعت‌لیک یول نی کیزیب سوو آلیب کیله‌دیلر.
اولر گه کوره، «شیخک‌فولاد» قیشلاغی ده بیر مینگ دن آرتیق عایله تیریکچیلیک قیله‌دی؛ بیراق سوو تنقیص‌لیگی باعث بیر قطار عایله‌لر یشش اوی‌لرینی ترک قیلگنلر.
بیزلرنینگ فیسبوک صحیفه‌میزگه باش اورینگ!
«شیخک‌فولاد» قیشلاغی بویوک‌لریدن ذین‌الله نینگ سلام‌وطندار گه ایتیشیچه، بو قیشلاق ده بیر مینگ دن آرتیق عایله تیریکچیلیک قیله‌دی و آلتی آی دن بیری سوو ییتیشمسلیک قیینچیلیگی بیلن روپه‌ره بولگنلر.
اوشبو قیشلاق یشاوچیلری دن عبدالقادر گه کوره: «بیر حویلی ده اوچ عایله تیریکچیلیک قیله‌دی. بیری مزارشریف تامان و بیری ایسه باشقه تامان کوچیب کیتگن. بیر حویلی دن ایکی عایله کیتگن.»
درهیصوف پایین تومنی «شیخک‌فولاد» قیشلاغی یشاوچیلری نینگ ایتیشلریچه، سونگی ییل‌لرده‌گی کیتمه_کیت قوروقچیلیک اولر نینگ حیاتی اوستیگه سلبی تاثیر قیلگن.
مذکور قیشلاق یشاوچیلری دن احمد گه کوره: «قیینچیلیک کوپ، مرکب‌لری میز نینگ ییرده‌ی سامانی و ارپه‌سی یوق. ییرلریمیز قوریب قالگن. تومن مرکزی دن بیر قنار سامان نی بیر مینگ افغانی ساتیب آلیب کیله‌میز و بیر سیر ارپه ۴۰۰ افغانی دیر.»
بیزلرنینگ «ایکس» ترماغی ده هم تعقیب قیلینگ!
درهیصوف پایین تومنی یشاوچیلریدن شمس‌الله شمشاد، «شیخک‌فولاد» قیشلاغی اهالیسی نینگ قیینچیلگی نی تصدیقلب ایتیشیچه، اوشبو تومن اهالیسی سوو تنقیص‌لیگی بیلن روپه‌ره‌لر. او یاردم بیرووچی تشکیلات‌لردن، اولر گه یاردم بیریش‌لرینی طلب قیله‌دی.
دره‌ی صوف پایین تومنی اولسوالی نینگ کوپه‌یتیریشیچه: «درهیصوف تومنی اهالیسی سوو تنقیص‌لیگی بیلن روپه‌ره دیر. بو مسئله نی ولایت رسمی‌لری و یاردم بیرووچی تشکیلات‌لر بیلن شریک قیلگن‌میز. یاردم بیرووچی نهادلر مقصود، زیرکی، بغک و دگک منطقه‌لری گه سوو تانکرلرینی ییتکیزیب بیرگن؛ بیراق شیخک‌فولاد منطقه‌سی اهالیسی گه حاضرگچه یاردم بیریلمه‌گن.»
ایتیش کیره‌ک که، سونگی ییل‌لرده قار و یامغیر یاغمسلیگی باعث مملکت نینگ قطار ولایت‌لریده قودوق و بولاق‌لر قوریب قالگن، بو مسئله یشاوچیلر نینگ سوو تنقیص‌لیگی قیینچیلیگی بیلن روپه‌ره قیلگن و حتا مملکت نینگ اوزاق منطقه‌لری یشاوچیلری دن قطاری، ایچیمیلیک سوولری یوق‌لیگی اوچون یشش اوی‌لرینی ترک قیلگنلر.
