افغانستان تیمیر یولی اداره‌سی مسئوللری بوگون (شنبه، ۷ اسد)، کابل شهری ده حکومت نینگ اطلاعات و میدیالر مرکزی ده «حکومت نینگ ملت گه حساب بیریش» برنامه‌سیده ایتیشلریچه، ۱۴۰۱-ییل ده افغانستان نینگ اوچ تیمیر یولی آرقه‌لی تورت میلیون ۵۰۰ مینگ متریک تُن توار انتقال بیریلگن، ۱۴۰۰-ییل گه نسبتن ۲۵ فایز آشگنینی کورسته‌دی.
تیمیر یولی اداره‌سی سرپرستی بخت‌الرحمان شرافت گه کوره، مذکور اداره اوتگن مالی ییل ده اوچ میلیارد بیر میلیون افغانی درآمد قیلگن که ۱۴۰۰-ییل گه نسبتن ۲۵ فایز آشگنیدن درک بیره‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «تورت میلیون ۵۰۰ مینگ متریک تُن توار، افغانستان نینگ اوچ تیمیر یولی آرقه‌لی انتقال بیریلگن اوتگن ییل گه نسبتن، ۲۵ فایز آشگنیدن درک بیره‌دی و بو اداره اوتگن مالی ییل ده اوچ میلیارد بیر میلیون افغانی درآمد قیلگن.»
تیمیر یولی اداره‌سی مسئوللری نینگ ایتیشلریچه، افغانستان تیمیر یولینی کینگه‌یتیریش مقصدیده، کابینه تامانیدن تصدیقلنگن ۴۷ کیلومتر اوزون‌لیکده خواف-هرات تیمیر یولی پروژه‌سی ایکینچی فازی و تورتینچی قطعه‌سی، شونینگدیک ۷۰ کیلومتر اوزون‌لیکده اندخوی-شبرغان تیمیر یولی پروژه‌سی قوریش ایشینی باشلش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
افغانستان تیمیر یولی اداره‌سی نینگ تخنیکی اورین باسری عبدالباری صدیقی گه کوره: «مذکور ایکی پروژه، اندخوی-شبرغان و خواف-هرات تیمیر یولی بودجه‌سی اسلام امیرلیگی کابینه‌سی تامانیدن تصدیقلنگن و ایشی باشلنه‌دی.»
تیمیر یولی اداره‌سی نینگ معلوماتی اساسیده، ینگی‌لیکده افغانستان منطقه مملکت‌لر نینگ سی‌جی‌بی کینگشی عضویتی نی کسب ایتگن، افغانستان تیمیر یولی اداره‌سی اوچون قولی‌لیک یره‌تیشی ممکن.