هندوستان و مرکزی آسیا مملکتلر نینگ خوفسیزلیک یوقاری مرتبهلی رسمی‌لری، افغانستان نینگ خوفسیزلیک وضعیتیدن خواطر بیلدیرگنلر.
هندوستان تایمز آژانسی نینگ معلوماتی اساسیده، هندوستان، اوزبیکستان، قزاقستان، تاجیکستان و قیرغیزستان اولکه‌لری نینگ خوفسیزلیک یوقاری مرتبهلی رسمی‌لری، ینگی دهلی ده ییغین اوتکزیب و افغانستان نینگ خوفسیزلیک وضعیتی اوستیگه بحث ایتگنلر.
مذکور آژانس نینگ معلوماتی گه بناً، اوشبو ییغیلیشده اشتراک ایتگنلر افغانستان نینگ حاضرگی خوفسیزلیک وضعیتیدن خواطر بیلدیریب و بوتوغریده بیر_بیراولرینی قوللب_قوتلش‌لری اوستیگه تأکید ایتگنلر.
بیزلرنینگ فیسبوک صحیفه‌میزگه باش اورینگ!
اوشبو ییغیلیشده هندوستان ملی خوفسیزلیک مصلحتچیسی اجیت دوال گه کوره: «افغانستان وضعیتی مهم دیر برچه‌میزنی خواطر گه سالگن، هندوستان نینگ غایه‌لری و خواطرلری اوشبو میز اطرافیده‌گی‌لر نیگ غایه‌لری و خواطرلری کبی دیر.»
بوندن آلدین اوشبو ییغیلیشده جیش محمد و طیبه لشکری گروه‌لری نینگ فعالیتی و حضوری خصوصیده بحث ایتیلیشی معلوم قیلینگن ایدی.
شو بیلن بیرگه، حربی ایش بیلرمان‌لر نینگ ایتیشلریچه، مذکور ییغیلیش روسیه، تاجیکستان و اوزبیکستان ییغین‌لری دوامیده اوتکزیلگن.
اوشبو ییغیلیش گه دایر، حربی ایش بیلرمان‌لردن اسدالله ندیم نینگ ایتیشیچه: «اوشبو ییغیلیشده آلینه‌دیگن قرار مجبوری ایمس و اسلام امیرلیگی هم بونگه اونچه‌لیک اعتبار بیرمه‌یدی، لیکن اوشبو مملکتلر اوچون مهم دیر چونکه مسئوللر ییغیلیب و تیکشیره‌دیلر و معلومات‌لرینی شریک قیلیشه‌دی.»
حربی ایش بیلرمان‌لردن باشقه بیری ثمر سادات گه کوره: «بو ییغیلیش مسکو، تاجیکستان واوزبیکستان ییغیلیش‌لری دوامیده اوتکزیلگن، دنیا و قوشنی اولکه‌لر اسلام امیرلیگی اوز حاکمیت‌لریده ثبات نی برقرار ایته آلمسلیگیدن خواطر بیلدیریشه‌دی.»
شو بیلن بیرگه، سیاسی ایش بیلرمان‌لر نینگ ایتیشلریچه، افغانستانده ترورچی گروه‌لر و سونگی خوفسیزلیک واقعه‌لر برابریده اسلام امیرلیگی نینگ سیاستی نامعلوم‌لیگی، منطقه مملکتلر نینگ خواطری گه سبب بولگن.
سیاسی ایش بیلرمان طارق فرهادی گه کوره: «افغانستان شمالیده‌گی گروه‌لر مرکزی آسیا نی تهدید قیله‌دی، شونینگدیک هندوستان هم اوشبو گروه‌لر حضوریدن خواطرده، تأسف بیلن بو گروه‌لر افغانستانده فعالیت قیلماقده و بوگون هم بلخ ده پارتلش یوز بیردی.»
شو بیلن بیرگه، اسلام امیرلیگی افغانستانده خوفسیزلیک تهدیدلر گه دایر خواطرلرنی اساس‌سیز دیدی.
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی اورین باسرلریدن بلال کریمی نینگ سلام‌وطندار گه ایتیشیچه، افغانستانده خوفسیزلیک وضعیت خواطرلی ایمس و اسلام امیرلیگی افغانستان توپراغیدن باشقه اولکه‌لر گه هجوم قیلینمسلیک وعده‌سی گه توخته‌گن.
اونگه کوره: «بیران جای ده اهالی آره‌سیده هجوم بولسه یا ده اوق آتیلسه، بونی امریکا و اروپالیک مملکتلر گه تقاسله‌سک، اولکه میزده امنیت تأمین و او ییرده بو گَل واقعه‌لر کوپ یوز بیره‌دی.»
هندوستان ده خوفسیزلیک یوقاری مرتبهلی رسمی‌لر نینگ ییغیلیشیده، اوشبو مملکت نینگ مرکزی آسیا اولکه‌لری بیلن باغله‌نیشی بحث گه آلینگن و هندوستان ملی خوفسیزلیک مصلحتچیسی بوتوغریده سعی و حرکت قیله‌یاتگنلردن خبر بیرگن.