پاکستان و اسلام امیرلیگی آره‌سیده‌گی خوفسیزلیک کیلیشماوچیلیک‌لر دوام ایتر ایکن؛ اوتکن کون پاکستان ده ینه بیر مرته خودکش هجوم صادر ایتلیشی، بو مملکت حکومتی نینگ اسلام امیرلیگی‌گه قرشی بولگن تنقیدلریگه سبب بولگن.
اوتگن کون (سه‌شنبه، ۲۱-قوس)، خیبرپختونخواه ایالتی «دره اسماعیل» منطقه‌سیده پاکستان خوفسیزلیک کوچلری نینگ بیر پوسته‌سی گه قرشی، خودکش هجوم اویوشتیریلدی و میدیالرده ترقه‌تیلگن آمار اساسیده، مذکور واقعه‌ده کمیده ۲۳ کیشی اولیب و ۲۳ کیشی ایسه یره‌لنگن.
بو واقعه‌دن کیین، پاکستان تشقی ایشلر وزیرلیگی اسلام‌آبادده‌گی افغانستان ایلچی‌خانه‌سی نینگ سرپرستی نی چقیریب و اوشبو هجوم برابریده اسلام امیر‌لیگی‌دن تنقید قیلگن. شونینگدیک پاکستان تشقی ایشلر وزیرلیگی، اسلام امیر‌لیگی‌دن اوشبو هجوم عامل‌لری و «تی‌تی‌پی» اعضالرینی قولگه آلیب و پاکستان گه تاپشیریلیشی‌نی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک پاکستان سابق مدافعه وزیری خواجه آصف، اوشبو هجوم گه قرشی عکس‌العمل کورستیب، ایکس صحیفه‌سیده بو کبی هجوم‌لر افغانستان توپراغی‌دن اویوشتیریلیشی‌نی ادعا قیلگن. اونینگ یازیشیچه: «اسماعیل خان دره‌سی‌ده یوز بیرگن هجوم، بو کبی عصیانچی هجوم‌لرنی یالغیز چیگره نینگ نریگی تامانیدن افغانستان ده ایکنی دیگن ایشانچ‌لرنی کوچه‌یتیره‌دی.»
اسلام امیرلیگی سوزلاوچیسی ذبیح الله مجاهد، اوتگن کون پاکستان نینگ خیبرپختونخواه ایالتی دره اسماعیل منطقه‌سیده یوز بیرگن هجوم برابریده پاکستان حکومتی سوزلری‌گه قرشی فکر بیلدیریب ایتشیچه، پاکستان نینگ ناتینچ وضعیتی مذکور مملکت نینگ ایچکی مسئله‌سی دیر و پاکستان حکومتی بو کبی واقعه‌لر آلدی آلینیشی اوچون کوپراق توجه قیلیشی کیره‌ک.
مجاهد پاکستان ده ترورچیلیک هجوم‌لرده افغانستان نینگ قولی بارلیگی نی ایتگنی گه قرشی، مذکور مملکت تامانیدن بو توغریده معلومات ارائه بولینیشی نی ایسته‌‌گن. اونینگ کوپه‌یتیریشیچه: «بیز بیلن معلومات شریک ایتیلگن تقدیرده، بیز بو خصوصده تدقیقات اوتکزیش‌گه تیارمیز، بو کبی هجوم‌لر پاکستان ایچیده تیکشیریلیب و آلدی آلینیشی درکار، چونکه حادثه یوز بیرگن مکان افغانستان‌دن یوزلر کیلومتر اوزاق‌ده و پاکستان ایچیده صادر بولگن.»
شونینگدیک مجاهد نینگ ایتیشیچه، اوتگن کون پاکستان ده یوز بیرگن خودکش هجوم، کوپینچه خوفسیزلیک کوچلری نینگ حضوری بولگنی بیر ییرده یوز بیرگن و استخباراتی معلومات بیلن، بو کبی هجوم‌لر آلدی آلینیشی ممکن. «پاکستان اوزی کوپراق اوز امنیتی گه توجه قیلیشی کیره‌ک.»
حربی و سیاسی مسئله‌لر بیلرمان‌لری نینگ ایتیشلریچه، پاکستان حکومتی اوشبو مملکت وضعیتی گه ییتیشیش اورنیده، افغانستان و اسلام امیرلیگی گه باسیم کیلتیریش مقصد فایده‌لنه‌دی.
بیزلرنینگ «ایکس» ترماغی ده هم تعقیب قیلینگ!
حربی ایش بیلرمان‌لردن طاهر یرغل نینگ سلام‌وطندار نینگ ایتیشلریچه: «بو پاکستان نینگ اسلام امیرلیگی گه قرشی بیر باسیمی دیر که، افغانستان‌ده تی‌تی‌پی نینگ حضوری بار و اولرنی توتیب پاکستان گه تاپشیریلیشی توغریسیده بولگن سوزلری کولگولی دیر. مینمچه پاکستان نینگ ناتینچ وضعیتی بو مملکت‌نی ایچکی مسئله‌سی دیر پاکستان نیمه اوچون اونگه ایچکریده ییتیشمه‌یدی بو مملکت دنیا بویلب ییتینچی حربی کوچ‌گه ایگه کو؟.»
شونینگدیک سیاسی مسئله‌لر بیلرمانی عبدالقدیر قانت نینگ ایتیشیچه: «پاکستان حکومتی افغانستان‌ده منفعت‌لری عملگه آشیریلیشی و افغانستان‌ده کوچ‌سیز بیر حکومت قوریلیب، بو مملکت منفعت‌لرینی هردایم نظرگه توتیلشی اوچون سعیوحرکت قیلماقده.»
ایتیش کیره‌ک پاکستان رسمی‌لری یانیده اوتکن کون امریکا تشقی ایشلر وزیرلیگی نینگ سوزلاوچیسی متیو میلر هم اوتکزگن بیر خبری ییغیلیش‌‌ده، افغانستان‌ده عصیانچیلیک تهدیدلری موجودلیگیدن خواطر بیلدیردی.