فاریاب ولایتی معارف رسمی‌لری، اوشبو ولایت ایکّی تومنیده اوچ مکتب نینگ تمل تاشی قوییلگنیدن خبر بیره‌دیلر.
فاریاب معارف باشلیغی محمدطاهر جواد گه کوره، اوشبو مکتب‌لر مذکور ولایت نینگ خواجه‌سبزپوش و دولت‌آباد تومن‌لریده ۸۰۰ متر ییرده زمانه‌وی شکلده قوریلیب و ایشلری آلتی آی ایچیده یکونلنیشی ممکن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، بو مکتب‌لر نینگ ییری محل یشاوچیلری تامانیدن ساوغه قیلینگن.
اوشبو مکتب‌لر نینگ قوریش خره‌جتی قریب ۴۶ میلیون افغانی تخمین اېتیلگن و بو مقدار پول ناروی مملکتی تامانیدن توللنیله‌دی دیېدی، فاریاب معارف باشلیغی محمدطاهر جواد.
او، مذکور مکتب‌لر ایشی یکونلنیشی بیلن اوچ مینگ قیز و اوغیل اوقووچی گه تینچ فضاده تعلیم آلیش زمینه‌سی یره‌تیلیشینی معلوم قیله‌دی.
بیزلرنینگ «ایکس» ترماغی ده هم تعقیب قیلینگ!
فاریاب معارف مسئوللری نینگ معلوماتی اساسیده، حاضرگی کونده بو ولایتده ۱۵۵ مکتب بناسیز دیر و ۸۲ مینگدن آرتیق اوقوچی آچیق فضا، درخت‌لر آستیده یا ده اجاره اوی‌لرده تعلیم آلیش بیلن مصروف دیر.
