بیرلشگن ملتلر تشکیلاتی‌نینگ باش‌کاتبی آنتونیو گوترش، بوگون (۲۸-قوس/ ۱۸-دسمبر، چهارشنبه)، خلق‌ارا قاچقینلر کونی مناسبتی بیلن، دنیا بویلب قاچقینلر برابریده‌گی قیینچیلیکلر جمله‌دن تبعیض، قاچاق و زوره‌وانلیککه اشاره قیلیب، دنیا بویلب قاچقینلرنینگ انسانی حقوقی رعایت بولیشی خصوصیده تینچ مهاجرتی سیستم‌لر یره‌تیلیشی گه تاکید قیلگن.
گوترش بو توغریده اوز اکس صحیفه‌سیده بیر بیانیه ترقه‌تیب یازیشیچه: «بوگون قاچقینلرنینگ روپه‌ره بوله‌دیگن قیینچیلیکلر جمله‌دن تبعیض، زوره‌وانلیک، بیللی شکلده فایده‌لنیش، شفقت‌سیزلیک و انسان قاچاقی‌نی بیان قیلیش کون دیر. دنیا همجعیتی صفتیده، قوشمه انسانیتی‌میزنی اَیتیشیمیز و اوشبو زیان‌لی پروسه‌لرنی اورته‌دن کیتیش اوچون سعی‌وحرکت قیلیشیمیز کیرهک. بوگون و هر کون کیلینگلر برچه قاچقینلر حقی‌دن دفاع قیله‌یلیک و انسانی و تینچ مهاجرتی سیستم‌لر یره‌تیلیشی اوچون سعی‌وحرکت قیلیشیمیز کیرهک.»
شونینگدیک خلق‌ارا قاچقینلر تشکیلاتی‌نینگ ایتیشیچه، معلوماتلری اساسیده ۲۰۲۳-ییل یکونی‌ده اصلی محیط‌لریده بشری حقوق نقض بولیشی، آزار-اذیت، توقنشوولر و زوره‌وانلیک سبب، دنیا بویلب قریب ۱۱۷.۳ میلیون کیشی مهاجرت شکلده حیات کیچیرماقده.
بیزلرنینگ فیسبوک صحیفه‌میزگه باش اورینگ!
بو آره‌ده، افغانستان دایم دنیا بویلب کوپینچه مهاجر گه ایگه بولگن نیچه مملکت آره‌سیده دیر. خلق‌ارا قاچقینلر تشکیلاتی، نیچه پیت آلدین بیر گزارش ترقه‌تیش بیلن ۲۰۲۰-۲۰۲۴ ییل‌‌ده قریب ۸ میلیون افغانستان‌لیک‌نینگ مهاجر بولگنی و اولر ارا، ۸۵ فایزی‌نینگ قوشنی مملکتلر جمله‌دن ایران و پاکستان گه کیتگنی و قریب بیر میلیون‌نینگ اروپایی مملکتلر گه مهاجرت قیلگنی‌نی بیان قیلگن.
قوشنی و اروپایی مملکت‌لرده‌گی افغانستان‌لیک قاچقینلردن قطاری، مهاجرت قیلگنلری سببی‌نی، یخشی‌راق حیات کیچریش، ایش و تحصیلی فرصت‌لری یره‌تیلیشی دیگنلر.
بو توغریده پاکستان دهگی افغانستان‌لیک قاچقینلردن هادی‌نینگ ایتیشیچه: «افغانستان دن مهاجر بولگنلردن قطاری، مخصوص قیین‌چیلیک جمله‌دن خوفسیزلیک، اقتصادی و اجتماعی قیینچیلیکلر و بیر قطاری ایسه تعلیم اوچون بو مملکت گه کیلگنلر.»
شونده‌ی بیرحالده، میزبان مملکت‌لرده‌گی افغانستان‌لیک قاچقینلر، اجتماعی و فرهنگی محیط بیلن تانیش بولمسلیک سبب، بیر قطار قیینچیلیکلر بیلن روپه‌ره‌لر.
ایران دهگی افغانستان‌لیک قاچقین صنوبر وفرانسه‌ده‌گی افغانستان‌لیک قاچقینلردن نسترن‌نینگ ایتیشلریچه، میزبان مملکت بیلن عادت قیلیش، کوپینچه وقت آلیب و قیین‌چیلیکلری بار.
صنوبر‌نینگ ایتیشیچه: «قیین‌چیلیکلرنی حل قیله آلمس ایدیک، چونکه محیط و اهالی بیلن تانیش ایمس ایدیم، او محیط فرهنگی‌نی بیلمس ایدیم. یالغیز و عایله‌سیز باشقه بیر مملکت بولیش کوپ قیین ایدی. بیراق مجبور‌میز که بو وضعیت‌نی چیده‌سک.»
بیزلرنینگ «ایکس» ترماغی ده هم تعقیب قیلینگ!
شونینگدیک نسترن‌نینگ ایتیشیچه: «بو ییرده برچه امکانیت بار، درس، اوی و بیمه‌میز بار. قیین‌چیلیلرنی بیان قیلسه‌ک، بو ییرگه ینگی‌لیکده کیلگنی‌میزده کوپینچه پیت یالغیز حیات کیچیره‌سین و کوپینچه قیین‌چیلیک‌نی کوره‌سین. کوپ سعی‌وحرکت قیلیش کیرهک.»
بیراق مذکور افغانستان‌لیک قاچقینلرنینگ کوپه‌یتیریشلریچه، میزبان مملکت‌لرده قیین‌چیلیک روپه‌ره بولگنلری بیلن، افغانستان گه قره‌گده کوپینچه آسایشته‌لیکلرگه هم قول تاپگنلر.
خلق‌ارا چاقینلر تشکیلاتی‌نینگ گزارشی اساسیده، اروپا و آسیا دنیا ده مهاجرت‌نینگ اصلی جای‌لری بولیب و هر بیری نوبت‌گه قریب ۸۷ و ۸۶ میلیون خلق‌ارا مهاجر گه ایگه دیر.
