خلق‌ارا جنایت محکمهسی (ICC)، اسرائیل باش‌وزیری بنیامین نتانیاهو و اوشبو مملکت سابق مدافعه وزیری یو‌آف گالانت‌نینگ قولگه آلینیش حکمی نی صادر قیلگن.
رویترز آژانسی‌نینگ گزارش بیریشیچه، اوشبو حکم اوتگن کون (۱-قوس، پنج‌شنبه)، صادر بولگن.
بیزلرنینگ «ایکس» ترماغی ده هم تعقیب قیلینگ!
گزارش اساسیده، اسرائیل باش‌وزیری بنیامین نتانیاهو و بو مملکت سابق مدافعه وزیری، اوروش جنایتلری و غزه ده بشریت‌گه قرشی جنایتلرنی انجام بیریش‌گه عیب‌لنگن.
شونینگدیک خلق‌ارا جنایت محکمهسی، حماس نینگ حربی ستاد باشلیغی محمد‌‌دیاب ابراهیم المصری‌نینگ قولگه آلینیش حکمی نی هم صادر قیلگن.
اسرائیل باش‌وزیری بنیامین نتانیاهو، خلق‌ارا جنایت محکمه‌سی‌نینگ حکمی نی «حماقت» و «یهود‌گه قرشی‌لیک» دیب و اورغولشیچه، مملکتی‌نینگ اوروش مقصد‌لری‌گه ییتیشمه‌گونچه، غزه ده توقنشوولر گه دوام بیره‌دی.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، اروپا اتفاقی، خلق‌ارا جنایت محکمهسی آرقه‌لی قولگه آلینیش حکمی صادر بولگنی نی «ضرور و سیاسی بولمه‌گن» دیگن.
بو حکم‌نینگ صادر بولگنی بیلن، خلق‌ارا محکمه گه اعضا بولگن ۱۲۴ مملکت بو حکم نینگ عمل‌گه آشیریلیشی و نتانیاهو بیلن گالانت‌نینگ قولگه آلینیشی خصوصیده قرار آلیشلری ممکن.