افغانستان نینگ ساختمانی، سرک توزه‌تیش، سرمایه یاتقیزیش و لوژستیکی شرکتلر بیرلشمه‌لری نینگ کینگشی، سرمایه یاتقیزووچیلر برابریده اسلامی امارت نینگ رفتارلریدن شکایت قیله‌دی. اوشبو کینگش اعضالری نینگ ایتیش‌لریچه، مالیه وزیرلیگی خصوصی سکتور گه تیگیشلی بانکی حساب‌لر نی باغلگن دیر.
افغانستان نینگ ساختمانی، سرک توزه‌تیش، سرمایه یاتقیزیش و لوژستیکی شرکتلر بیرلشمه‌لری نینگ کینگشی‌دن نقل قیلینیشیچه، اسلامی امارت مالیه وزیرلیگی اولر نینگ ۶۰ میلیارد افغانی‌‌لری نی باغلب و خصوصی شرکتلر مسئوللری نی ممنوع‌الخروج قیلگن دیر.
بیزلرنینگ توییترده هم تعقیب قیلینگ!
بوگون کابل ده یولگه قوییلگن اعتراضی بیر ییغین‌ده اوشبو کینگش نینگ اقتصادی عضوی عبدالله فیضی نینگ ایتیشیچه، مذکور شرکتلر پوللری نینگ یاپیق قالگنی، خصوصی سکتور نی تنزل گه روپه‌ره قیلگن.
اونینگ کوپه‌یتیریشیچه: «سوداگرلر نابیللی بیر وضعیت‌ده قرار تاپگنلر و پوللری موزلنیب و بانک‌لرده قالگن و بو توغریده بیللی بیر پالیسی هم موجود ایمس و اوشبو پول‌لر نینگ تقدیری نیمه بوله‌دی، بیللی ایمس.»
افغانستان نینگ ساختمانی، سرک توزه‌تیش، سرمایه یاتقیزیش و لوژستیکی شرکتلر بیرلشمه‌لری نینگ کینگشی قطع‌نامه صادر قیلیش بیلن خصوصی سکتورلر خصوصیده اسلامی امارت نینگ جدی شکلده توجه قیلیشی نی ایسته‌ب و سرپرست حکومت‌دن تیزلیککه بالغلنگن پوللری نینگ آزاد ایتیلیشی نی سوره‌گن.
مذکور کینگش عضوی جواد حیدری نینگ آگاه‌لنتیریشیچه، اولر نینگ ایسته‌کلری گه توجه بولمه‌گنی صورت‌ده، شرکت‌لری نینگ جوازی نی لغو قیلیب و سرمایه یاتقیزیش اوچون مملکت‌دن تشقی گه کیتیشلری ممکن.
بیزلرنینگ فیسبوک صحیفه‌میزگه باش اورینگ!
بو توغریده مالیه وزیرلیگی سوزلاوچیسی و اسلامی امارت عمومی سوزلاوچیلری نینگ فکرلری نی آلیش ایسته‌دیک، بیراق کیین‌مه کیین قونقیراغ بیلن موفق بولمه‌دیک.
