ایرته‌لب ساعت ۲ ده اویدن چیقیب و آقشام بیر ایشک اوتین بیلن اوی گه قیته‌دی. گل‌احمد الماس، مملکت اسلامی امارت نظارتی گه اوتمه‌سیدن آلدین خبرچیلیک بیلن شغللنگن ایکن. اونینگ ایتیشیچه، تورلی رسانه‌لر بیلن خبرچی صفتیده همکارلیک قیلگن. «مین سابق خبرچی ایدیم و غور ولایتی نینگ گزارش‌لرینی ولایتدن تشقری نیچه رسانه گه یوباریدیم. سونگی تحولات دن کیین ایشیم نی قولدن بیردیم.»
گل‌احمد الماس، رسانه‌یی ایشلر سقوط قیلیشی بیلن ایشی نی قولدن بیرگن اونلرچه خبرچی‌لردن بیری دیر. گل‌احمد غور ولایتی نینگ «قطس» منطقه‌سیده اوتین توپلش بیلن روزگار نی اوتکزه‌دی. او قوشنی‌لردن بیر ایشک آلیب و مذکور ایشک آرقه‌لی توپلنگن اوتین‌لرنی اوی گه آلیب بارگندن کیین، قوشنی سی بیلن ایکی بوله‌دی. «بونده‌ی بیر ایش قیلیش گه زورلندیم. هر کون تاغ‌لرده کیتیب و قیش موسمی اوچون اوتین توپله‌یمن. قوشنیم دن بیر ایشک آلدیم. بیر کون اوزیم اوچون توپله‌یمن، باشقه بیر کون ایسه قوشنیم اوچون.»
گل‌احمد اوتین توپلش اوچون ۵ ساعت یول یوریدی. «بیزلر کیچه ساعت اوچ ده جونه‌یمیز و ایرته‌لب ساعت ۸ ده تاغ گه ییتیشهمیز و اوتین توپلش گه باشله‌یمیز. ساعت ۱۰ گچه اوتین توپله‌یمیز و کیین ایسه حرکت قیله‌میز و ساعت ۲ الی ۳ گچه اوی گه قیتیب باره‌میز.»
بو سابق حکومتده خبرچیلیک قیلیب و معلومات توپلش بیلن حیاتی نی اوتکزه‌دیگن بیر شخص نینگ حکایه‌سی دیر که او حاضرگی حکومتده اوتین توپلش بیلن شغللنگن. غور اوتگن ۲۰ ییل ده حکومت نینگ توجه‌سیگه قرار تاپمه‌ی و رواجلنمه‌گن ولایت‌لردن بیری دیر. گل‌احمد اوزی حاضر ایسه بیر حکایه گه اوزگرگن. آچیق بیر حکایه که اونینگ برچه سعی و حرکتی قیش موسمی اوچون بیر ایشک اوتین توپلش گه خلاصه بوله‌دی.
گل‌احمد بوندن آلدین ژورنالیست‌لیک درآمدی آرقه‌لی اوزی و عایله‌سی نینگ خره‌جتی‌نی تامین قیله‌ریدی، حاضرده غور ولایتی نینگ ساووق قیش موسومی‌گه قرشی مبارزه قیلیش اوچون اوتین توپلماقده. «سابق ژورنالیست‌لیک شغلی آرقه‌لی درآمد قولگه کیلتیره‌ریدیم و حاضرده جدی قیینچیلیک بیلن روپه‌ره بولگنمیز.»
گل‌احمد شغلی‌نی قولدن بیریب و شاقه ایش‌لرگه یوز کیلتیرگن، لیکن خلق ارا جماعه‌سی و اسلامی امارت دن ژورنالیست‌لر و میدیالرنینگ سونگی یوتوق‌لرینی نظرگه آلیب و اوندن حمایت قیلیش‌لرینی سوره‌یدی. «اسلامی امارت و خلق ارا جماعه‌سیدن میدیالرنی یالغیز قویمه‌یشی‌نی ایسته‌یمیز.»
گل‌احمد، غور ده شغلی‌نی قولدن بیریب فیزیکی و قیین ایش‌لرگه یوز کیلتیرگن یالغیز ژورنالیست ایمس. غور ده فعالیت قیله‌دیگن ژورنالیست‌لردن باشقه بیری ذبیح‌الله وفا سونگی کونلرده خره‌جتی‌نی تامین‌لش مقصد ده خشت اوریش بیلن شغللنماقده.
اونینگ ایتیشیچه، «بیز شغلی‌میزنی قولدن بیردیک و حاضرده شغللنمه‌یمیز. اقتصادی نقطه‌نظردن قیین‌چیلیکلریمیز کوپ، بیر لقمه نان تیارلش‌گه مجبور بولدیک. بوندن آلدین غور ولایتیده ژورنالیست صفتیده فعالیت قیله‌ریدم و تورلی میدیالر بیلن ایشله‌ریدم و حاضرده خشت اوریش بیلن شغللنه‌من.»
غور ولایتی بوییچه ژورنالیست‌لر انجمنی مسئولی منصور خسرو نینگ ایتیشیچه، سونگی تحولات ژورنالیست‌لر شامل بوتون قشر‌لر ایش‌لری اوستیگه سلبی تاثیر قوییگن.
« مملکتده یوز بیرگن سونگی تحولات باعث، مینگ‌لرچه افغانستان‌لیک سرنوشت‌سیز بولگن، بو اره ده غور ولایت نینگ رسانه‌لری هم زیان کورگن و نیچه رسانه نینگ فعالیتی توخته‌گن. ۱۴ دن آرتیق خبرچی و میدیا ایشلاچی‌لری ایش‌لرینی قولدن بیرگن. میدیا مسئوللری نینگ سرنوشت‌لری معلوم ایمس. میدیا مسوول‌لریدن کمیده ۱۰ ته‌سی قاچاق یولی آرقه‌لی ایران گه بارگنلر.»
غور ولایتی بوییچه ژورنالیست‌لر انجمنی مسئوللری نینگ کوپه‌یتیریشیچه، مملکتده یوز بیرگن سونگی تحولات باعث، اوشبو ولایتده فعالیت قیله‌دیگن ۲۹ ژورنالیست و میدیا ایشلاوچی‌سی اوشبو ولایت نی ترک قیلگن و ۵ عیال خبرچی ایش‌لرینی قولدن بیرگن.
افغانستانده اسلامی امارت حاکم بولگنیدن سونگ، مملکت یشاوچی‌لریدن مینگ‌لرچه‌سی ایش‌لرینی قولدن بیرگن. میدیالردن حمایت قیلووچی نهادلر تامانیدن نشر ایتیلگن گزارش‌لرگه کوره، اسلامی امارت حاکم بولگنیدن سونگ، مملکتده فعالیت قیله‌دیگن میدیالردن ۷۰% نی فعالیتی توخته‌تیلگن و کوپ‌قطار خبرچی‌لر ایش‌لرینی قولدن بیرگن.