خبرچیلردن حفاظت قیلووچی کمیته، سلام‌وطندار خبرچیسی رومان کریمی نینگ قولگه آلینگنی و کلتک‌لنگنی خصوصیده تدقیقات بولیشنی سوره‌گن. اوشبو کمیته بیر گزارش ترقه‌تیب ایتیشیچه، اسلامی امارت مسئوللری سلام‌وطندار خبرچیسی و هیداوچیسی نینگ قولگه آلینگنی نی تیکشیریشی کیره‌ک.
گزارش‌ده کیلیشیچه، خبرچیلر و میدیا ایشلاوچیلری نینگ اوز باشیمچه‌لیک قولگه آلینیشلری نینگ کوپه‌یشی، مطبوعات ایرکین‌لیگی و افغانستان خلقی نینگ اطلاعات گه قول تاپه آلمسلیگی خصوصیده خواطرلرگه سبب بولگن. شونینگدیک اوشبو کمیته محلی رادیو‌لر مسئوللری جمال‌الدین دلدار و میرزا حسنی نینگ قوییب یوباریلیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان‌ده بیرلشگن ملت‌لر تشکیلاتی نینگ اورین‌باسرلیک هیأت دفتری یا-ده یوناما نینگ ایتیشیچه، افغانستان ده خبرچیلر گه قرشی زوروانلیک نینگ دوامی بار. یوناما اسلامی امارت‌دن قیین قانون-قاعده‌سی اینیقسه خبرچیلر نی تهدید و اوز باشیمچه‌لیک قولگه آلینیشی نینگ یکونلنیشی نی ایسته‌گن.
شونینگیدیک چیگره‌سیز گزارش‌گرلر خبرچیلر برابریده‌گی دواملی باسیم‌لر نی قاره‌لب و ایتیش‌لریچه: «اوشلب آلیش و ارعاب قانون دیر! صبح کابل کونده‌لیگی نینگ خبرچیسی بیش کون یوقالگندن کیین، آزاد ایتیلدی و شونده‌ی بیر حالده، سلام‌وطندار خبرچیسی رومان کریمی عیاللر اعتراضی نی پوشش بیریش اوچون اوشلب آلیندی. اوشبو تکرار ایتیله‌دیگن باسیم‌لرنی قاره‌له‌یمیز.»
بیزلرنینگ توییترده هم تعقیب قیلینگ!
سلام‌وطندار خبرچیسی رومان کریمی و هیداوچیسی سمیع‌الله، یک‌شنبه کونی توش‌دن آلدین ساعت ۱۰ده یولگه قوییلگن عیاللر اعتراضی نی پوشش بیریش اوچون کابل شهرنوی نینگ «حاجی یعقوب» تورت‌یولی گه کیتگن ایدیلر، بیراق اسلامی امارت استخبارات کوچلری تامانیدن قولگه آلینیب و کمیده ۷ ساعت قوماق‌خانه‌ده ایدیلر.
کریمی نینگ ایتیشیچه، او و سمیع‌الله کمیده ۷ ساعت کابل ولایتی نینگ ۱۰_ استخبارات حوزه آمریتی‌ده قوماق‌خانه‌ده ایکنلر و ساعت ۵ده ایسه قوییب یوباریلگنلر. اونینگ کوپه‌یتیریشیچه، خبرچی‌لیک کارتی نی اسلامی امارت کوچلری گه کورستگنی بیرحالده، بیراق اونینگ صحبت‌لری گه توجه بولمه‌ی، قولگه آلینیب و کلتکلنگن. رومان کریمی نینگ ایتیشیچه، کابل ولایتی نینگ ۱۰-استخبارات حوزه آمریت مسئوللری اوندن، بوندن بویان اعتراض‌لر گه شرکت قیلمه‌یشی نی ایسته‌گنلر.