بدخشان ولایتی یاوان تومنی نینگ محلی منبع‌لری، اوشبو تومن‌ده یوز بیرگن ترافیکی حادثه نتیجه‌سیده ۱۸ کیشی یره‌لنگنی‌دن خبر بیرگنلر.
منبع‌لر نینگ سلام‌وطندار گه ایتیش‌لریچه، اوشبو حادثه اوتگن کون (پنج‌شنبه، ۲۸-ثور)، یاوان تومنی نینگ «سفیدار ایلگه» قیشلاغیده، «پیکپ» رسوملی بیر موتر نینگ سرک‌دن چیقیب چپه بولگنی نتیجه‌سیده یوز بیرگن.
بیزلرنینگ توییترده هم تعقیب قیلینگ!
منبع‌لر گه کوره، مذکور حادثه‌ده یره‌لنگن‌لر آره‌سیدن ۱۶ یره‌دار، درمان اوچون یاوان تومنی کسل‌خانه‌سی انتقال بیریلگن.
شونینگدیک خادثه‌ده یره‌لنگن‌لردن ایکی‌ته‌سی نینگ وضعیتی یامان بولگنی سبب، بدخشان مرکزی فیض‌آباد شهری نینگ مرکزی کسل‌خانه‌سی گه انتقال بیریلگن.
بیزلرنینگ فیسبوک صحیفه‌میزگه باش اورینگ!
عین حالده، خوفسیزلیک و محلی مسئوللری حاضرگچه بو توغریده هیچ نرسه دیمه‌گنلر.
ایتیش کیره‌ک که، اوتگن هفته هم بدخشان نینگ خاش تومنی‌ده یوز بیرگن ترافیکی حادثه نتیجه‌سیده ۲۱ کیشی اولیب و یره‌لنگن ایدی.