حنفی: اسلام دشمن‌لری پول ترقه‌تیش بیلن «حجاب‌سیزلیک» رواجلنیشی نی ایسته‌یدیلر

امر باالمعروف و نهی عن‌المنکر وزیرلیگی سرپرستی اوتگن کون محلی و خوفسیزلیک مسئوللری، دین عالم‌لری، قوم بویوک‌لری و یوزلرچه جوزجان یشاوچیلری نینگ حضوری بیلن اوشبو ولایت مرکزی شبرغان شهریده یولگه قوییلگن بویوک ییغیلیش‌ده ایتگن که، اسلامی امارت نینگ قدرت گه ایریشگنی بیلن، اوشبو وزیرلیک ایشلاوچیلری تامانیدن هیچ کیم دلیل‌سیز بیر شکلده آزار و اذیب بولمه‌گن دیر.

جناب حنفی نینگ کوپه‌یتیریشیچه، بشر حقوقی تشکیلاتی نینگ اسلام‌دن خبری یوق و دایم عیال‌لر گه قرشی چیکلاو‌لر یره‌تیلیش و آزار و اذیب نی ایتگنی بیرحالده، اسلام عیال‌لر گه اینگ یخشی حق نی بیرگن.

بیزلرنینگ فیسبوک صحیفه‌میزگه باش اورینگ!

اونینگ ایتیشیچه: «بوتون افغانستان‌ ده اوشبو اسلامی نظام نینگ یولگه قوییلیشی و بویروغ‌لر نینگ عمل گه آشیریلیشی کیره‌ک و عمل گه آشیریلیش اوچون برچه‌‌میز مسئول‌میز.»‌

شونده‌ی بیرحالده، امر بالمعروف و نهی عن‌المنکر وزیرلیگی نینگ اورغولشیچه، «اسلامی توزوم‌دن حفاظت قیلیش و امیر‌المومنین [اسلامی امارت رهبری هبت‌الله آخوندازه‌] نینگ بویروغ‌لری نی عمل گه آشیریش فرض عین دیر و برچه اوشبو فرض نینگ عمل گه آشیریلیشی خصوصیده آدیم کوتاریشلری کیره‌ک.»

اونگه کوره، اسلامی امارت توزومی اهالی همکارلیگی و مینگ‌لرچه مجاهد جانی نینگ فدا بولگنی بیلن قدرت گه ایریشیب و غلام‌لیک بیلن تعامل نی قبول قیلمه‌یدی.

امر بالمعروف و نهی عن‌المنکر وزیرلیگی سرپرستی کوپه‌یتیرگن که «اسلام دشمن‌لری حاضر ایسه پول ترقه‌تیش بیلن حجاب‌سیزلیک رواجلنیشی نی ایسته‌یدیلر که اوشبو پلان‌لریده کامیاب بولمه‌یدیلر.»

بیزلرنینگ توییترده هم تعقیب قیلینگ!

توزوم و اسلامی امارت رهبری نینگ بویروغ‌لریدن حفاظت قیلیش، خصوصی حریم گه مداخله قیلمه‌یش، بیرلیک و بیردم‌لیک نی حفظ قیلیش، مظلوم اوستیگه ظالم نینگ ظلمی‌دن توسیق بولیش و ایش صلاحیت‌لریدن ناتوغری قوللنمه‌یش، امر بالمعروف و نهی عن‌المنکر وزیرلیگی سرپرستی نینگ عمل گه آشیریلیشی خصوصیده تاکید قیلگن مورد‌لردن دیر.

شونده‌ی بیرحالده، اوشبو ییغیلیش‌ده جوزجان ولایت مقامی نینگ سرپرست و اورین‌باسری گل‌محمد سلیم نینگ ایتیشیچه، امر بالمعروف و نهی عن‌المنکر گه دعوت قیلیش برچه‌ نینگ مسئولیتی دیر و اهالی اسلام دینی نینگ حکم‌لری نی عمل گه آشیریلیشی خصوصیده بیرجا بولیش‌لری کیره‌ک.

اونگه کوره، غرب دنیا‌سی اهالی گه اوشبو وزیرلیک نی یامان بیر شکلده معرفی قیلگن. اونینگ کوپه‌یتیریشیچه: «غرب دنیا‌سی مسلمان ملتی نینگ مذکور وزیرلیک‌دن نفرت قیلیش‌لری اوچون اوشبو وزیرلیک نی یامان بیر شکلده اهالی گه تانیتگن.»

باشقه بیر تامان‌دن، اوشبو ییغیلیش‌ده «ابوسلیمان جوزجانی» مدرسه نینگ باش‌ اوقیتووچسی ولی‌الله فقیری نینگ ایتیشیچه، امر بالمعروف و نهی عن‌المنکر اسلام دینی نینگ اساس‌لریدن بیری دیر و جماعه‌ نینگ هر بیر فردی اونینگ عمل گه آشیریلیشی خصوصیده مسئول دیر.

امر بالمعروف و نهی عن‌المنکر وزیرلیگی سرپرستی اوشبو ولایت یشاوچیلری بیلن کوریشیب و بیانات بیرگنیدن کیین، سرپل ولایتی گه کیتگن.

حنفی: دنیا باسیم‌لری قراریمیزنی اوزگرتیره آلمه‌یدی

امر بالمعروف و نهی عن‌المنکر وزیرلیگی سرپرستی محمدخالد حنفی، اوتگن کون پکتیا تامان قیلگن سفری‌ جریانیده،‌ ایتگن که خلق‌ارا باسیم‌لر بولگنی بیرحالده،‌ اولر اوز قرار‌لریدن واز کیچمه‌ی و اسلامی توزوم نینگ مستحکم‌لیگی اوچون سعی و حرکت قیله‌دیلر.

اونگه کوره، اونینگ امری آستیده‌گی وزیرلیک اسلامی توزوم نینگ مستحکم‌لش مقصدی‌ده باشقه بویروغ‌لر نی صادر قیلگن. جناب حنفی نینگ اورغولشیچه، اسلامی امارت دنیا بیلن تعامل قیلیش نی ایسته‌یدی؛ بیراق مذکور تعامل قوللیک (غلام‌لیک) معناسیگه ایمس.

بیزلرنینگ توییترده هم تعقیب قیلینگ!

شونینگدیک اونینگ ایتیشیچه، حاضرگچه افغانستان ده آمریکا نینگ آره‌لشووی دوام قیلماقده و اولر هیچ بیر زمان اسلام حکم‌لریدن چیقمه‌ی و اوز قرارلری اساسیده، آلغه بارگنلر.

شونده‌ی بیرحالده، اسلامی امارت نینگ قدرت گه ایریشگنیدن بویان، امر بالمعروف و نهی عن‌المنکر وزیرلیگی عیال‌لر حجابی، ایرککلر ساقالی و باشقه بیر قطار مسئله‌لر خصوصیده بویروغ صادر قیلگن که اوشبو وزیرلیککه کوره، یالغیز توصیه‌یی جنبه‌سی بار.