پنجشیر ولایتی عنابه تومنی نینگ «تاواخ» منطقه یشاوچی‌لریدن قطاری نینگ سلام‌وطندارگه ایتیش‌لریچه، ناقانونی قوراللی کیشیلرنینگ رهبرلریدن بیری حمید خراسانی آدم‌لری بیلن تاواخ ده مردمی مقاومت کوچلری نینگ پوسته‌لری اوستیگه هجوم قیلگن.
اولرنینگ ایتیش‌لریچه، حمید خراسانی و آدم‌لری طالبان بیراغی نی کوتاریب و آغیر و ینگیل قوراللر بیلن مردمی مقاومت کوچلری اوستیگه هجوم قیلگن.
عین حالده، پنجشیر ده امنیتی منبع‌لردن قطاری حمید خراسانی و اونینگ آدم‌لری بو ولایتده مردمی کوچلر پوسته‌سی اوستیگه هجوم قیلگنی نی تصدیقله‌گن.
پنجشیر ولایتیدن ایشانچلی امنیتی بیر منبع نینگ سلام‌وطندارگه ایتیشیچه، تاواخ پوسته‌سیده‌گی مردمی مقاومت کوچلری نینگ قرشی هجومیده، حمید خراسانی ایکی آدمی بیلن یره‌لنیب و محل دن قاچیب کیتگن.
بیزلرنینگ فیسبوک صحیفه‌میزگه باش اورینگ!
شونینگدیک بو توغریده پنجشیر محلی رسمی‌لری نینگ فکری نی آلیش ایسته‌دیک؛ بیراق اولر بو توغریده بیزلرگه جواب بیرمه‌دی.
حمید خراسانی ناقانونی قوراللی کیشیلردن بیری دیر که اجتماعی ترماق‌لرده کوپینچه وقت دولت دن تنقید قیله‌دی.