هرات محلی مسئوللری نینگ تصدیق قیلیش‌لریچه، بوگون (جمعه، ۱۱-سنبله) اوشبو ولایت‌ده یوز بیرگن پارتلش‌ده، هرات ولایتی نینگ دین عالم‌لریدن و هرات گزرگاه جامع مسجد خطیبی مجیب‌الرحمان انصاری بیلن ۱۸ کیشی هلاک و ۲۳ کیشی یره‌لنگن.
هرات حاکمی سوزلاوچیسی حمید‌الله متوکل نینگ ایتیشیچه، اوشبو پارتلش نتیجه‌سیده مجیب‌الرحمان انصاری و اونینگ ایناغه‌سی فضل‌الرحمان انصاری بیلن ۱۸ کیشی هلاک و ۲۳ کیشی ایسه یره‌لنگن. ایتیلگن که، اوشبو تلفات رقمی نهایی ایمس و تلفات رقمی نینگ کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
جناب متوکل اوشبو پارتلش‌ده مجیب‌الرحمان انصاری نینگ باشقه بیر ایناغه‌سی فضل‌الرحمان انصاری بیلن خوفسیزلیک کوچلر نینگ هلاک و یره‌لنگنی خصوصیده ترقه‌تیلگن خبرلر نی رد قیلگن.
هرات حاکمی سوزلاوچیسی گه کوره، بوگون اوشبو پارتلش‌دن کیین، جمعه نمازی فضل‌الرحمان انصاری نینگ امامتی بیلن اوقیلگن.
شونده‌ی بیرحالده، رسانه‌لردن قطاری اوشبو پارتلش نتیجه‌سیده، ۲۰دن آرتیق کیشی نینگ هلاک بولگنی‌دن گزارش بیرگنلر.
باشقه بیر تامان‌دن، هرات امنیه قوماندانلیگی رسانه‌لر دفتری بیر خبرنامه ترقه‌تیب ایتگن که، مجیب‌الرحمان انصاری اویی‌دن مسجد تامان باره‌دیگن چاغده، پارتلاوچی کیشی نینگ هجوم آستیده قرار تاپگن.
خبرنامه اساسیده، پارتلاوچی کیشی اوزی نی مجیب‌الرحمان نینگ قولی نی اوپیش چاغیده پارتلتگن که نتیجه‌ده، پارتلاوچی کیشی شامل، جناب انصاری و بیر قطار همراه‌لری هلاک بولگن.
خبرنامه جناب انصادی نینگ اولگنی نی «اسلام و دین دشمن‌لری» نینگ ایشی عنوان قیلگن.
شونینگدیک اسلامی امارت سوزلاوچیسی ذبیح‌الله مجاهد مجیب‌الرحمان انصاری نینگ هلاک بولگنی نی تصدیق‌لب و همدرد‌لیک بیلدیرگن. او توییتر صحیفه‌سیده یازگن که: «قیغو بیلن مملکت نینگ تانیقلی و جسور دین عالمی مولانا مجیب‌الرحمان انصاری جمعه نمازی نی اوقیش چاغیده اوز مسجدی‌ده دین دشمن‌لری آرقه‌لی شهید بولدی. اسلامی امارت بو توغریده همدرد‌لیک بیلدیره‌دی. مذکور بویوک جنایت عامل‌لری نینگ جزالنتیریلیشی ممکن. ان‌شاءالله»
بیزلرنینگ توییترده هم تعقیب قیلینگ!
حاضرگچه بیرار گروه یا-ده کیشی اوشبو پارتلش مسئولیتی بوینیگه آلمه‌گن. بیراق بوندن آلدین مملکت‌ده یوز بیرگن شونگه اوخشش واقعه‌لر مسئولیتی نی اسلامی دولت گه موسوم (داعش) گروهی بویینیگه آلگن دیر.
مجیب‌الرحمان انصاری نینگ سونگی تصویری، هرات اقتصادی ییغینی‌ده عبدالغنی برادر نینگ یانیده اولتیرگن
بوگون اجتماعی ترماق‌لرده ترقه‌تیله یاتگن اوشبو تصویر، هرات ولایتی نینگ تانیقلی دین عالم‌لریدن بیری و هرات گازرگاه جامع مسجد خطیبی مجیب‌الرحمان انصاری نینگ، هرات اقتصادی ییغینی‌ده اسلامی امارت رئیس‌الوزرا بیرینچی اورین‌باسری عبدالغنی برادر نینگ یانیده حضوری بارلیگی نی کورسته‌دی.
ایتیلیشچه، اوشبو ییغین بوگون یولگه قوییلگن و اجتماعی ترماق‌لر ایشلاوچیلری اوشبو تصویر نی، مجیب‌الرحمان انصاری نینگ سونگی تصویری صفتیده یاد قیلگنلر.