حماس نینگ اعلام قیلیشیچه، اسرائیل نینگ غزه گه اویوشتیرگن هجوملری عاقبتیده، ۶۴ باله و عیال شامل کمیده ۱۱۲ کیشی قربان بولیب و اونلب کیشی یره‌لنگن.
الجزیره ترماغی‌نینگ گزارش بیریشیچه، مذکور کیشیلر اوتگن کونی اسرائیل اردوسی نینگ «بیت‌لاهیه» شهری و نوار غزه نینگ باشقه بولیم‌لری گه اویوشتیرگن هجوملری عاقبتیده قربان بولگنلر.
بیزلرنینگ فیسبوک صحیفه‌میزگه باش اورینگ!
اسرائیل اردوسی نینگ اعلام قیلیشیچه، اولر تامانیدن بیت‌لاهیه گه اویوشتیریلگن هجوم‌لرده، حماس نینگ بیش اعضاسی قربان بولگن.
اوتگن کونی خلقارا جنایت محکمه‌سی، اسرائیل باش وزیری بنیامین نتانیاهو و اوشبو مملکت سابق مدافعه وزیری یوآف گالانت نینگ قولگه آلینیش حکمی نی صادر قیلگنی بیرحالده، بو هجوملر اویوشتیریلگن.
بیزلرنینگ «ایکس» ترماغی ده هم تعقیب قیلینگ!
غزه ده آتیش کیسین برقرار ایتیلیشی و گروگان‌لر نینگ قوییب یوباریلیشی اوچون بولگن سعی‌وحرکت‌لر بیلن، بیراق اسرائیل و حماس اورته‌سیده توقنشوولر یکونلمه‌‌ی و بو اوروش کولمی لبنان گه هم کینگه‌یتیریلگن.
فلسطین ساغلیق‌نی سقلش وزیرلیگی تامانیدن ترقه‌تیلگن معلومات اساسیده، اسرائیل و حماس اورته‌سیده توقنشوولر باشلنگنیدن بویان، فلسطین یشاوچیلریدن ۴۴ مینگ‌دن آرتیغی قربان بولیب و ۱۰۴ مینگ ۲۸۰ کیشی یره‌لنگن.
