سرپرست حکومت تشقی ایشلر وزیرلیگی بیر بیانیه ترقه‌تیب اوشبو وزیرلیک سرپرستی امیرخان متقی نینگ، افغانستان ایشلری بوییچه ایران جمهور باشلیغی نینگ مخصوص وکیلی حسن کاظمی قمی بیلن اوچره‌شگنیدن خبر بیرگن.
اوشبو بیانیه اساسیده، تامان‌لر ایکّی مملکت نینگ مناسبت‌لری مستحکم‌لنیشی و منطقه دهگی اۉزگریش‌لرنی محاکمه قیلگنلر.
بو اوچره‌شووده حسن کاظمی قمی هلمند دریاسیدن ایران حقآبهسی قوییب یوباریلیشی و شونینگدیک منطقه دهگی اۉزگریش‌لر گه دایر اسلام امیرلیگی نینگ موقفی‌دن منتدارلیک بیلدیرگن.
بیزلرنینگ فیسبوک صحیفه‌میزگه باش اورینگ!
سرپرست حکومت تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل گه کوره: «قمی جنابلری هلمند دریاسیدن سیستان گه سوو قوییب یوباریلیشیدن منتدارلیک بیلدیریب و بو حرکت نی ایکّی تامانلمه مناسبت‌لر مستحکم‌لنیشی اوچون مهم عامل عنوان قیلگن همده بو جریان دوام تاپیشی گه امید بیلدیرگن.»
برچه‌سی بیلن ایش بیلرمان‌لر نینگ ایشانچی گه کوره، ایران و افغانستان تشقی سیاست‌لری ده بیر-بیری گه باغلیق بولیب ایکّی تامانلمه مناسبت‌لرینی مستحکم‌لش گه نیازمند دیر شونی اوچون مذکور ایکّی مملکت مناسبت‌لرینی مستحکم سقلش گه سعی-حرکت قیله‌دی.
خلق‌ارا مناسبت‌لر ایش بیلرمانی محمود اضطرابی نینگ ایتیشیچه: «حاضرگی کونده بیر قنچه مملکت‌لر اۉزلرینی بویوک قدرت گه اېلنتیریش اوچون بولوک تشکیل اېتیش آرتیده دیر، اسلام امیرلیگی هم حاضرگی تقدیرسیز و قلتیس احوال دن قوتیلیش اوچون استراتیژیک سیاستیده ایران نی تنله‌گن، اۉتگن ایکّی ییل‌ده ایران حق‌آبه‌سینی بیریش گه هېچ تیار اېمس اېدی لېکن حاضر یومشاق‌لیک کورستگن.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اوشبو ایش بیلرمان‌لر حق‌آبه جنجلی اینیقسه قوروقچیلیک ییل‌لرده کابل و تهران آره‌سیده تاپیلگن کېسکین‌لیکّه اشاره قیلیب، بو معما اساسی شکلده حل اېتیلیشی اوستیگه تاکید اېته‌دیلر.
ایران اسلام امیرلیگی بیلن مناسبتی یخشی بولگن مملکت‌لردن بولسه ده، بیراق حق‌آبه کبی جنجل‌لر انده-سنده ایکّی تامان مناسبتینی اېریم قیینچیلیک بیلن دوچ قیله‌دی.
ایتیش کېره‌ک، ۲-ثور، یک‌شنبه کونی ایران یېتکرمه‌لری هلمند دریاسیدن اوشبو مملکت نینگ حقآبهسی تامین اېتیلگنیدن خبر بیرگنلر.
