اسلام امیرلیگی سرپرست حکومتی، سلام‌وطندار نینگ محلی خبرچیسی حسیب حساس شامل، تورت خبرچی نی قوییب یوبارگن.
افغانستان ایرکین خبرچیلر بیرلشمه‌سی، بوگون (پنج‌شنبه، ۹-سنبله)، توش‌دن کیین بیر خبرنامه‌ده، قندهار ده «طلوع‌نیوز» خصوصی تلویزیون خبرچیسی عطاءالله عمر و قندوز ده سلام‌وطندار خبرچیسی حسیب حساس نینگ قوییب یوباریلگنی نی یازگن دیر.
بیزلرنینگ فیسبوک صحیفه‌میزگه باش اورینگ!
شونینگدیک اوشبو بیرلشمه، بوگون توش‌دن آلدین بیر خبرنامه آرقه‌لی، ننگرهار ده رادیو کلید نینگ ایکی خبرچیسی فقیرمحمد فقیرزی و جان‌آقا صالح نینگ قوییب یوباریلگنی‌دن خبر بیرگن ایدی.
افغانستان ایرکین خبرچیلر بیرلشمه‌سی، قریب ۲۰ کون آلدین قولگه آلینگن رادیو کلید نینگ ایکی خبرچیسی قوییب یوباریلگنی نی خوش قرشی‌لب و ینه بیر مرته تیگیشلی مسئوللردن، میدیالر ایشی گه قضیه‌لر نی میدیالر تخلف‌لری نینگ حل و شکایت‌لر نی تیکشیریش کمیسیونی آرقه‌لی تیکشیریلیشی نی ایسته‌گن.
بیزلرنینگ توییترده هم تعقیب قیلینگ!
اوشبو بیرلشمه، هیچ بیر خبرچی قولگه آلینمه‌سلیگی نینگ کوتیب تورگنی نی ایتیب و میدیالر فعالیتی گه تیگیشلی قضیه‌لر نینگ میدیالر تخلف‌لری نینگ حل و شکایت‌لر نی تیکشیریش کمیسیونی آرقه‌لی تیکشیریلیشی گه تاکید قیلگن.
