صناعت و سوداگرلیک وزیرلیگی مسئوللری نینگ ایتیشلریچه، ۱۴۰۱-ییل ده ۵۱۷ میلیون دالرلیک ایکینچیلیک محصولات چیت ایل مملکت‌لر گه صادر ایتیلگن.
صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، ایکینچیلیک محصولات کوپراق ییتتی مملکت جمله دن قوشنی مملکت‌لر، عراق و اروپا اولکه‌لری گه صادر ایتیلگن.
او نینگ کوپه‌یتیریشیچه: «افغانستان اوتگن بیر ییل ده ایکینچیلیک محصولات گه قوشیمچه، تاش کومیر، تورلی خیل ایچیملیک، قالین، گیلم، پت‌کرک، بیسکویت و کاکائو صادر قیلگن.»
بیزلرنینگ فیسبوک صحیفه‌میزگه باش اورینگ!
حسابات و معلومات ملی اداره‌سی نینگ سلام‌وطندار گه بیرگن معلوماتی اساسیده، اوتگن ییل گه نسبتن ۱۴۰۲-ییل نینگ بیرینچی ربع ده، صادرات رقمی ۱۰ فایز گه آشگن و اوشبو توارلر ماکارونی و غله‌لرنی تازه‌لش ماشین‌لردن عبارت دیر.
مذکور معلومات گه بناً، اوشبو ییل ۳۰ قلم توار جمله دن ماشین اوسکونه‌لری، تیمیر و قیمت‌بها فلزلر، صادرات رویخطی دن چیقریلگن.
عین‌حالده، ایشلب چیقرووچی کمپنیه‌لردن بیرقطاری نینگ مسئوللری گه کوره، اولر ایریم قیینچیلیک‌لر بیلن روپه‌ره بولیب و رسمی‌لردن قیینچیلیک‌لری حلی اوچون دقت قیلیش‌لرینی سوره‌یدیلر.
مملکت ده دیگ‌بخار ایشلب چیقرووچی بویوک کمپنیه‌لردن «راشکو بابا» کمپنیه‌سی نینگ سودا ایشلری بوییچه مدیری یوسف گه کوره، مذکور کمپنیه منطقه و دنیا بویلب ۲۳ مملکت گه صادراتی بار؛ بیراق احتیاجی بولگن خام موادی چیت ایل گه قاچاق بوله‌دی.
او نینگ کوپه‌یتیریشیچه: «۱۴۰۱-ییل ده ۱۱ میلیون ۵۲۴ مینگ ۵۴۷ دالرلیک ۸۷۶ مینگ ۸۹۱ ته دیگ‌بخار صادر قیلگن‌میز. بولر کوپراق امریکا، کانادا، روسیه، جرمنی، شمالی اولکه‌لر و قطر گه صادر بولگن و حاضر طلب هم کوپ دیر. فلزات قاچاقی آلدی آلینمه‌گن تقدیرده، خام ماده کم‌چیلیگی بیلن روپه‌ره بوله‌میز.»
بیزلرنینگ توییترده هم تعقیب قیلینگ!
پامیرکولا کمپنیه‌سی مسئوللری اوشبو کمپنیه نینگ محصولاتی ینگی‌لیکده امریکا، فرانسه و تورکیه گه صادر بولگنیدن خبر بیریب، خام ماده آزلیگی و ساغلیک معیارلر یوق‌لیگی بیلن روپه‌ره بولیب و مسئوللردن قیینچیلیک‌لری حلی اوچون دقت قیلیش‌لرینی طلب قیله‌دیلر.
مذکور کمپنیه نینگ ییریک مصلحتچیسی سیدعبدالصبور بارز نینگ سلام‌وطندار گه ایتیشیچه: «۱۴۰۱-ییل دن حاضرگچه امریکا، فرانسه، تورکیه و قزاقستان گه تخمیناً ۴۵ میلیون دن ۵۰ میلیون افغانی‌لیک صادرات قیلگن‌میز. صناعت و سوداگرلیک وزیرلیگی نینگ باجخانه‌لرده نماینده‌لیگی یوق‌لیگی ایشلریمیزنی قیینچیلیک بیلن روپه‌ره قیلگن.»
ایتیش کیره‌ک که، اوتگن ییلی ایکی میلیارد دالرلیک ایکینچیلیک محصولات چیت ایل مملکت‌لر گه صادر ایتیلگن.
