سرپل ولایتی نینگ بلخاب تومنیده معتبر بیر منبع کیم‌لیگی سِر قالیش نی ایسته‌ب سلام‌وطندار گه ایتیشیچه، سرپل ولایتی‌ده اسلامی امارت هزاره‌تبار قومندانی مهدی مجاهد بیلن اسلامی امارت آره‌سیده یولگه قوییلگن نیچه دور اوچره‌شوولردن، حاضرگچه بیر نتیجه قولگه کیلمه‌گن.
منبع گه کوره، اوچره‌شوولر نینگ ینگی دوری بوگون (سه‌شنبه، ۳۱-جوزا) باشلنیشی گه قرار آلینگن. منبع نینگ کوپه‌یتیریشیچه، بو توغریده سعی و حرکتلر نینگ دوامی بار و اسلامی امارت قرشی‌لیکلر گه چیک قوییش مقصدیده تلاش قیلماقده. مهدی مجاهد نینگ کابل گه قیتگنی و اسلامی امارت ایسته‌کلری نینگ قبول قیلگنی، اوشبو اوچره‌شوولردن مقصد دیر.
شونده‌ی بیرحالده، سرپل ولایتی سانچارک و بلخاب تومن‌لر یشاوچیلریدن قطاری نینگ ایتیش‌لریچه، اوشبو ایکی تومن حربی حالت نی اوزی گه آلگن. یشاوچیلر گه کوره، اوچره‌شوولر بیر نتیجه گه ییتیشمه‌گنی صورت‌ده، ایکی تامان آره‌سیده اوروش یوز بیریشی ممکن.
بیزلرنینگ توییترده هم تعقیب قیلینگ!
سرپل ولایتی بلخاب تومنیدن اوشبو ولایت مرکزی گه کیلگن یشاوچیلریدن قطاری نینگ ایتیش‌لریچه، بلخاب ده حاضرگی وضعیت خواطرلی دیر. اولر نینگ کوپه‌یتیریش‌لریچه، مهدی مجاهد و اسلامی امارت تامانیدن مخالف جبهه‌لر بیر بیری گه قرشی کوره‌ش اوچون تیارگرلیک آلماقده.
سرپل مرکزی گه عایله‌سی بیلن بارگن بلخاب یشاوچیلریدن زهرا نینگ سلام‌وطندار گه ایتیشیچه، بلخاب ده حاضرگی وضعیت نینگ اوزگرمه‌گنی و ایکی تامان آره‌سیده اوچره‌شوولر اچون زمینه فراهم بولمه‌گن صورت‌ده، افغانستان ینه بیر مرته ایچکی اوروش‌لر تامان حرکت قیله‌دی.
اونگه کوره، حاضر ایسه بلخاب تومنی گه کیلیب-کیتیش قیین بولگن و ایکی تامان قمرویده‌گی منطقه‌لر گه امنیتی قانون-قاعده‌لر نی وضع قیلگنلر.
شونینگدیک بلخاب تومنی یشاوچیلریدن باشقه بیری کیم‌لیگی سِر قالیش نی ایسته‌ب ایتیشیچه، اوشبو تومن یشاوچیلری باشقه نیچه ولایت یشاوچیلری نینگ حمایتی بیلن، مهدی مجاهد‌دن قرشی جبهه برابریده توخته‌یشلری نی سوره‌گنلر.
اونگه کوره، شونینگدیک بلخاب گه اسلامی امارت هیأتلری نینگ کیتیب-کیلیشی نتیجه‌سیز یکونلنگن. شونده‌ی بیرحالده، سرپل ولایتی نینگ قوم بویوک‌لریدن قطاری بلخاب تومنیده‌گی حاضرگی وضعیت خصوصیده خواطرده‌لر.
قوم بویوم‌لری گه کوره، قدیمی دوست‌لر و حاضرگی دشمن‌لر حساب‌لنگن مهدی مجاهد بیلن اسلامی امارت آره‌سیده‌گی قرشی‌لیک، جدی بیر شکلده کوپه‌یگن دیر.
سرپل قوم بویوک‌لریدن بیری عبدالخبیر نینگ ایتیشیچه: «مهدی مجاهد بیلن اسلامی امارت آره‌سیده‌گی قرشی‌لیک بامیان ده ایجاد بولیب و سرپل نینگ بلخاب تومنیده دشمن‌لیککه اوزگردی. حاضر ایسه ایکی تامان تورلی ولایت‌لرده بیر بیری گه قرشی کوچ جذب قیلماقده.»
بیزلرنینگ فیسبوک صحیفه‌میزگه باش اورینگ!
اوشبو ولایت نینگ امنیتی وضعیتی گه تیگیشلی سرپل محلی مسئوللری نینگ فکری نی آلیش اوچون سعی و حرکت قیلدیک، بیراق موفق بولمه‌دیک.
سلام‌وطندار گه ییتیشگن معلومات‌لر اساسیده، حاضر ایسه سانچارک تومنیده اسلامی امارت تامانیدن یوزلرچه جنگری و شونینگدیک بلخاب تومنیده مهدی مجاهد تامانیدن یوزلرچه جنگری آماده‌باش بیر شکلده قرار تاپگنلر و مدافعه وزیرلیگی نینگ بیر قطاری تیک اوچری هم اوشبو ولایت مرکزی گه کیرگن.
معلومات‌لر اساسیده، حربی کوچلر نینگ تیارلنگنی یانیده، بوگون ایسه ایکی تامان آتیشمه‌دن حاضرگی وضعیت نینگ یکونلنیشی اوچون صحبت قیلیش خصوصیده بیر هیأت تشکیل بیرگنلر.
