غزنی ده‌گی حامله‌دار عیاللردن قطاری نینگ ایتیشلریچه، حاملهدارلیک چاغیده نفس قیسمه کسل‌لیگی‌دن اذیت چیکه‌دیلر و کوپینچه پیت ایسه بو کسل‌لیک‌دن قوتیلیش اوچون مخصوص دارولرنی قوللنه‌دیلر که، اونینگ چقه‌لاقلری گه ضرر ییتکزیشی ممکن.
نفس قیسمه کسل‌لیگی‌دن اذیت چیکه‌دیگن حامله‌دار عیاللردن مرضیه و لیلا نینگ سلام‌وطندار گه ایتیشلریچه، حاملهدارلیک نینگ اورته آی‌لریده بو کسل‌لیک بیلن دوچ بوله‌دیلر.
بیزلرنینگ فیسبوک صحیفه‌میزگه باش اورینگ!
مرضیه نینگ ایتیشیچه: «نفسم بند‌بند بوله‌دی؛ کیچه تامان کوپ قیین‌چیلیک بیلن روپه‌ره بوله‌من. ایکی-اوچ آی‌دن بیری نفسم قیسه‌دی. آچیق هواده مشکل یوق، اوی ایچی یا-ده گوجوم‌لی جایلرده کوپ قیین‌چیلیککه قاله‌من.»
شونینگدیک لیلا نینگ ایتیشیچه: «بوندن آلدین نفس قیسمه‌م یوق ایدی؛ شو باله‌م گه بو رقم بولدیم؛ نفسم قیسه‌دی؛ بوغیلیش کبی حس قیله‌من. حاضرگچه هیچ دارو آلمه‌گن‌مین؛ بوگون کیلدیم که بیر مشوره آلسم دیب.»
باشقه بیر تاماندن، غزنی ده نفس قیسمه کسل‌لیگی گه دوچ بولگن حامله‌دار عیاللردن باشقه بیری پروانه نینگ ایتیشیچه، ایکینچی باله‌سیده حامله بولگنی چاغیده بو کسل‌لیککه چلینگن.
اونینگ کوپه‌یتیریشیچه: «بو ایکینچی باله‌م دیر؛ بیرینچی باله‌مده هیچ قیین‌چیلیگیم یوق ایدی؛ حاضر هم نفسم قیسه‌دی. بعضی وقتلر ایسه بقیرماق ایسته‌یمن. اوشبو کیچه هم نفسم کوپ قیسیلدی، انه شوو سبب کیلیب دارو آلیش گه مجبور بولدیم.»
عین حالده، غزنی ده‌گی شفاکارلردن محمدعاطف نوری نینگ ایتیشیچه، آنه قرنیده چقه‌لاق نینگ قیمیرده‌شی، حامله‌دار عیاللر نینگ نفسی قیسیشی گه سبب بوله‌دی. اونگه کوره، حامله‌دار عیاللرده نفس قیسیشی دواملی ایمس و دواملی بولگنی‌ده کسل نینگ اکسیژن‌دن قوللنیشی کیره‌ک.
بیزلرنینگ «ایکس» ترماغی ده هم تعقیب قیلینگ!
نوری نینگ کوپه‌یتیریشیچه: «ایکی عامل کوپ مهم دیر، بیرینچی‌سی حامله‌دار عیال نینگ حرکت‌چنلیگی که حاملهدارلیک چاغیده حرکتچن می ایمس می؟ ایکینچیسی ایسه چقه‌لاق نینگ رشد قیلیشی جریانیده شُش اوچون فضا تار بولیب و قرین ایچیده فضا کم بوله‌دی؛ شُش اوستیگه فشار کیله‌دی و بو پیتده حامله‌دار عیال تیز تیز نفس آله‌دی؛ یعنی اکسیژن کم‌لیگی اوچون دیر. نفس قیسمه دواملی ایمس؛ حاملهدارلیک چاغی یکونلنگنیده نفس قیسمه هم یکونلنه‌دی. دارو بیرمه‌یمیز؛ لیکن کوپ جدی شکلده بولمسه. کوپ جدی نفس قیسمه بولگنی‌ده دارو بیره‌میز.»
ایتیش کیره‌ک که، حامله‌دار عیاللر نینگ حرکتچن بولیشی، یینگیل سپورتلر نی انجام بیریشی و آچیق هواده بولیشی، نفس قیسمه قیین‌‌چیلیگی آلدی آلینیشی اوچون حامله‌دار عیاللر گه شفاکارلر آرقه‌لی توصیه ایتیله‌دیگن یوللردن دیر.