مملکت ملی خوفسزلیک مصلحتچیسی حمدالله محب، آمریکا ملی خوفسیزلیک مصلحتچیسی جیک سالیوان بیلن تلفنی صحبت اوتکزگن.
ملی خوفسیزلیک کینگش دفتری بیر خبرنامه ترقه‌تیش بیلن ایتیشیچه، مذکور تلفنی سوزلشوو اوتگن کون چهارشنبه ۵- جوزا صورت تاپگن که بو سوزلشووده ایکی تامان امنیتی و ترورچیلیککه قرشی همکارلیکلر توغریسیده بحث قیلیشگن.
مذکور خبرنامه ده کیلیشیچه، جناب سالیوان ینه بیر مرته تینچلیک و رواجله‌نیش و شونینگدیک افغانستان امنیتی و مدافعه کوچلریدن حمایت قیلیش اوستیگه اورغوله‌گن.
بیزلرنینگ فیسبوک صحیفه‌میزگه هم باش اورینگ!
باشقه بیر تاماندن اوتگن کون آق سرای بیر خبرنامه ترقه‌تیش بیلن ایتیشیچه، اوشبو تلفنی سوزلشووده آمریکا ملی خوفسیزلیک مصلحتچیسی جیک سالیوان، آمریکا چیت‌ایللیک کوچلر چیققندین کیین بو مملکت دولتی و اهالیسی نینگ یانیده توریشی اوستیگه اورغوله‌گن.
آق سرای نینگ خبرنامه‌سی اساسیده، جناب سالیوان ایکی تامان همکارلیک‌لری کوچله‌نیشی خصوصیده سوز بیریب و آمریکا نینگ افغانستان اهالیسی، امنیتی و مدافعه کوچلری گه یاردمی برنامه‌لری حقیده تفصیلات بیرگن.
آق سرای نینگ خبرنامه‌سیده کیلیشیچه، ایکی تامان افغانستان اوروشی یکونله‌نیشی اوچون سیاسی بیر کیلیشوودن حمایت قیلیش اوچون افغانستان و آمریکا دولتی نینگ همکارلیک‌لری نی ارزشی خصوصیده کیلیشگن.
بیزلرنینگ توییترده هم تعقیب قیلینگ!
جناب سالیوان نینگ ایتیشیچه، آمریکا دایمی بیر تینچلیککه ایریشیش اوچون افغانستان اهالیسی نینگ یانیده توریشی ممکن.
شونده‌ی بیرحالده، چیت‌ایللیک کوچلرنینگ افغانستان دن چیقیشی جاری میلادی ییل نینگ ۱- می آیی ده باشلنگن و حاضرگچه بو حربی‌لردن ۲۰ فایزی مملکت نی ترک قیلیشگن.
جاری ییل نینگ ۱۱- سپتامبر آیی گچه بوتون چیت‌ایللیک کوچلر افغانستان نی ترک قیلیشی خصوصیده قرار قیلینگن.