قزاقستان نینگ حاضرگی جمهور باشلیغی قاسم توکایف، اوشبو مملکت سیلاوی گه ۸۱.۳۱ فایز آواز آلیش بیلن، ینه ۷ ییلگچه قزاقستان جمهور باشلیغی اوله‌راق تعینلندی.
قزاقستان ده جمهورلیک ریاستی سیلاوی اوتگن کون –دوشنبه، ۳۰ عقرب، یولگه قوییلدی و ایکی عیال شامل آلتی کیشی نامزد ایدیلر.
سیلاو نتیجه‌سی اعلامیدن کیین، قطار مملکت‌لر نینگ رهبرلری جمله دن روسیه، ایران و چین جمهور باشلیغ‌لری جناب توکایف نینگ غلبه قازانیشینی قوتلوغ بولسین دیگنلر.
بیزلرنینگ فیسبوک صحیفه‌میزگه باش اورینگ!
قزاقستان ده ۲۰۲۴_ییل ده جمهورلیک ریاستی سیلاوی یولگه قوییلیشی کوتیلر ایدی، بیراق توکایف اوشبو ییل بیرینچی سپتمبرده سیلاو اوتکزیلیشیدن خبر بیردی.
جناب توکایف نینگ اساسی قانون نی اصلاح قیلیش خصوصیده ۱۷ سپتمبر ده امضاله‌گن قانونی اساسیده، مذکور مملکت نینگ جمهورلیک ریاستی زمانی ۷ ییلگچه اوزه‌یتیریلگن.
اوکراین اوروشی اوستیده روسیه بیلن توکایف نینگ قرشی‌لیگی و اوشبو مملکت ایشلریده مستقل‌لیک بیلن ایش آلیب باریش، اونینگ محبوبیتینی کوچه‌یتیرگن.
بیزلرنینگ توییترده هم تعقیب قیلینگ!
قزاقستان نینگ اوشبو دور سیلاوی ده اشتراک ایتگنلر سانی ۶۹ فایز اعلام بولگن، ۳۵ مملکت نماینده‌لیگیدن ۶۴۱ خلق‌ارا ناظر و ۱۰ خلق‌ارا تشکیلات اوندن نظارت قیلگنلر.