افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری (یاناما)، پروان ولایتی نینگ استیناف محکمه‌سی آرقه‌لی اوشبو ولایت‌ده ۲۷ ایرکک و عیال نینگ دُره اوریلگنی گه قرشی عکس‌العمل کورستیب ایتگن که، جسمانی جزا خلق‌ارا قانون تامانیدن ممنوع دیر.
یوناما، بوگون (جمعه، ۱۸-قوس) فیسبوک صحیفه‌سیده یازگن که: «افغانستان نینگ حاکم رسمی‌لری پروان ولایتی‌ده اهالی حضوریده ۲۷ کیشی نینگ دُره اوریلگنیدن خبر بیرگنلر. جسمانی جزا خلق‌ارا قانون تامانیدن ممنوع دیر.»
بیزلرنینگ توییترده هم تعقیب قیلینگ!
افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری، خلق‌ارا انسان‌حقلری خصوصیده‌گی تعهد‌لر گه حرمت قایل بولینیشی نی بیان قیلگن. «خلق‌ارا انسان حقلری خصوصیده‌گی تعهد‌لر گه حرمت قایل بولینیشی نی ایسته‌یمیز.»
ایتیش کیره‌ک که، پروان استیناف محکمه‌سی اوتگن کون اوشبو ولایت‌ده ۲۷ کیشی نی تورلی جرم‌لر عیبی بیلن، پروان مرکزی چاریکار شهری نینگ سپورت میدانی‌ده یوزلرچه کیشی نینگ حضوریده دُره اورگنلر.
بیزلرنینگ فیسبوک صحیفه‌میزگه باش اورینگ!
مذکور کیشی‌لر گه برچه نینگ حضوریده ۲۹ الی ۳۹ دُره اوریلگن. پروان نینگ استیناف محکمه‌سی ایتگن که، اوشبو کیشی‌لر تورلی جرم‌لر جمله دن اوغریلیک، فساد و اوی‌دن قاچیش جرم‌لری گه عیب‌لنگن ایکنلر.