مملکت جمهوررییسی محمداشرف غنی جمهوررییس‌لیک سرایی ده هییت نمازی نی ادا قیلگنیدن کیین نطق سوزلب و طالبان دن تنقید قیلیش بیلن ایتیشیچه، بو گروه اوروش نی کوپه‌یتیریش بیلن تینچلیککه جدی اراده‌سی یوقلیگی نی کورستگن و شونینگدیک ۵ مینگ محبوس قوییب یوباریلیشی، بو گروه نینگ جدی سوزلشووگه کیلتیره آلمه‌گن.
محمداشرف غنی نینگ کوپه‌یتیریشیچه، طالبان اوروش‌لرده ۲۶۰ عامه بنالرینی نابود قیلگن و اولر (افغان) بولگن صورتده، عامه تاسیسات‌لرنی نابود قیلیشدن قول تارتیب و اهالی نینگ اویلرینی ویران قیلمه‌سلیک‌لری کیره‌ک.
جمهوررییس نینگ طالبان گه ایتیشیچه: «افغان بولسنگیزلر افغانیت چارچوبه‌سیده توپله‌نیش‌لرینگیز کیره‌ک. سیزلرنی افغانستان اهالیسی اینیقسه عیاللری اوچون ایجابی بیر پیامینگیز بارمی؟»
باشقه بیر تاماندن جناب غنی طالبان دن سوره‌یدی که طیبه لشکری، جیش محمد و القاعده گه اوخشه‌گن تشقی جنگریلر بیلن علاقه قوریب افغانستان نینگ چیت‌ایللیک ترورچیلرنی اوروش میدانی گه اوزگرتیریش نی ایسته‌یسیزلرمی؟
جمهوررییس غنی نینگ ایتیشیچه، «حاضر اوروش یالغیز تیزیم نی سقلش اوچون ایمس دیر، بلکیم اوروش حیات و توپراق نینگ ملکیتی نی سقلش اوچون دیر.» شونینگدیک او کیلگوسی اوچ الی آلتی گچه امنیتی وضعیت اوزگریشی اوچون بیر ریجه تیارله‌گنیدن خبر بیردی.
محمداشرف غنی مملکت امنیتی و مدافعه کوچلریدن تقدیر قیلیب و ایتیشیچه، بو هییت (عسکر هییتی) نامیده نشانلنه‌دی. اونینگ کوپه‌یتیریشیچه: «افغانستان امنیتی و مدافعه کوچلری اوتگن ۲۰ ییل اینیقسه سونگی اوچ آیده کوپینچه قربانی بیریش بیلن بو اولکه نینگ توپراغی و ناموسی‌دن صادقانه و اخلاص‌لی شکلده مدافعه قیلیشگن.»