قاچقینلر وزیرلیگی: ایران‌دن افغانستان‌لیک قاچقینلرنی جبری چیقرمسلیگینی اېسته‌یمیز

خلق‌ارا قاچقینلر تشکیلاتی ۳۰-قوس، جمعه کونی ایران‌دن افغانستان‌لیک قاچقینلر جبری طرزده چیقریلیشی گه دایر تشویش بیلدیریب، سپتمبر آیی‌دن حاضرگه قدر بو جریان مثل‌سیز درجه‌ده آشگنینی معلوم قیلگن.

اوشبو تشکیلات‌نینگ معلوماتی اساسیده، هر کونی افغانستان‌لیک مینگلب قاچقین ایران پولیسی تامانیدن قولگه آلینیب و جبری شکلده افغانستانگه قیتریله‌دی.

مذکور تشکیلات، افغانستان‌لیک قاچقینلر اۉز اېستک‌لری بیلن قیتریلیش گه تأکید اېته‌دی.

بیزلرنینگ فیسبوک صحیفه‌میزگه باش اورینگ!

ایران‌دن جبری طرزده چیقریلگن قاچقینلردن بیرقطاری، جبری شکلده چیقریلیش پیتیده زوره‌وانلیک بولگنینی اېته‌دیلر.

غور یشاوچیسی عبدالقهار گه کوره: «افغانستان گه قیتریش پیتیده، بیز بیلن یامان یانده‌شه‌دیلر و کلتکله‌یدیلر و خلاصه کوپ قیینچیلیک بیلن افغانستان گه قیتریلدیک و حاضر تیریکچیلیک احوالیم یخشی اېمس.»

سرپرست حکومت قاچقینلر وزیرلیگی مسئوللری ایران‌دن، افغانستان‌لیک قاچقینلرنی جبری شکلده چیقرمه‌ی‌ و اۉز طلب‌لری اساسیده مملکت‌لری گه قیتریشنی سوره‌یدیلر.

بیزلرنینگ «ایکس» ترماغی ده هم تعقیب قیلینگ!

قاچقینلر وزیرلیگی سۉزلاوچیسی عبدالمطلب حقانی، ایران و قاچقینلر میزبانی بولگن باشقه مملکتلردن، افغانستان‌لیک قاچقینلر اۉز اېستک‌لری بیلن اولکه‌لری گه قیتیش‌لرینی سوره‌یدی.

اونینگ کوپه‌یتیریشیچه: «قاچقینلر میزبانی بولگن مملکتلر اینیقسه ایران‌دن، افغانستان‌لیک قاچقینلرنی جبری طرزده چیقرمسلیک‌لرینی اېسته‌یمیز و اولر اۉز اېستک‌لری بیلن افغانستان گه قیتسینلر و اولر قاچقینلر بیلن یخشی یانده‌شسینلر.»

بوندن آلدین، ایران رسمی‌لریدن بیرقطاری اوشبو ییل یکونیگه قدر، افغانستان‌لیک مدرک‌سیز ۲.۵ میلیون قاچقین افغانستان گه قیتریلیشینی اېتگن اېدیلر.

بیر کونده پاکستان و ایران دن اوچ مینگ دن آرتیق قاچقین چیقریلگن

اسلام امیرلیگی قاچقین‌لر وزیرلیگی، سۉنگی بیر کون ایچیده پاکستان و ایران دن داوطلب و جبری شکلده اوچ مینگ ۲۵۵ قاچقین چیقریلگنینی معلوم قیلگن.

قاچقین‌لر وزیرلیگی بوگون (۱۳-سرطان، چهار‌شنبه) ایکس صحیفه‌سیده، سۉنگی بیر کون ایچیده (۱۲-سرطان) پاکستان و ایران دن اوچ مینگ ۲۵۵ قاچقین داوطلب و جبری شکلده چیقریلگنیدن خبر بیرگن.

بیزلرنینگ فیسبوک صحیفه‌میزگه باش اورینگ!

مذکور وزیرلیک نینگ کوپه‌یتیریشیچه، ۹۰۸ کیشی پاکستاندن و ایکّی مینگ ۳۴۷ کیشی ایران دن چیقریلگن.

قاچقین‌لر وزیرلیگی گه کوره، ۴۲۸ کیشی شامل ۸۵ عایله ننگرهار ولایتیده تورخم بندری، ۴۸۰ کیشی شامل ۸۶ عایله قندهار ولایتیده سپین بولدک بندری و ایکّی مینگ ۳۴۷ کیشی نیمروز ولایتیده پل ابریشم بندری آرقه‌لی اولکه گه قیتگنلر.

بیزلرنینگ «ایکس» ترماغی ده هم تعقیب قیلینگ!

عین‌حالده، ایران و پاکستانده‌گی افغانستان‌لیک قاچقین‌لر قولگه آلینیش، کلتکلنیش و جبری چیقریلیش جریانی دوام تاپیشیدن خواطر بیلدیریب، سۉنگی کونلرده اولر گه قرشی باسیم‌لر ایکّی برابر بولیب و بو احوال کونسه‌یین یامانلنماقده‌لیگینی اېتگنلر.

قاچقین‌لر وزیرلیگی نینگ معلوماتی اساسیده، حاضرگچه پاکستان و ایران دن داوطلب و جبری شکلده قریب بیر میلیون قاچقین مملکت گه قیتگن.