پاکستان‌دن افغانستان‌لیک قاچقین‌لر نینگ چیقریش ایکینچی باسقیچی باشلنیشی گه دایر اوشبو مملکت ایچکی ایشلر وزیرلیگی نینگ سابق بیانیه‌سی اساسیده، اېرته (سه‌شنبه، ۲۸-حمل)، قاچقین‌لیک یا که ACC و افغان فقراسی POR کارتی بولگن افغان قاچقینلری گه کوره، پاکستان دولتی اولرنی جبردن چیقریش اوچون قرارینی عملگه آشیریشیدن خواطرده‌لر.
اولرنینگ ایتیشلریچه، افغانستان گه قیتیش بیلن تقدیرسیز و ایش‌سیز بوله‌دی، عین‌حالده پاکستان‌ده انچه ییل‌دن بېری سرمایه یاتقیزیب و اۉزلری گه لایق تېریکچیلیک توزه‌تگنلر.
پاکستان‌ده قاچقین‌لیک و فقرالیک کارتی بولگن افغانستان‌لیک قاچقین پرتو نینگ سلام‌وطندار گه ایتیشیچه: «بوگون مهلت کونی یکونی دیر، منطقه‌میزده‌گی عنعنه‌لر گه عاد قیلگن‌میز، بو ییرده سرمایه یاتقیزگن‌میز، افغانستان‌دن آواره بولیب بو ییرگه کېلدیک قیتگن حالده ایش‌سیزلیک و اقتصادی قینچلیک بار قنده‌ی قیله‌میز.»
بیزلرنینگ فیسبوک صحیفه‌میزگه باش اورینگ!
پاکستان‌ده قاچقین‌لیک و فقرالیک کارتی بولگن افغانستان‌لیک قاچقین‌لردن باشقه بیری تاج‌الدین گه کوره: «بو ییرده اکثریتی‌میز نینگ دکان و سرمایه‌میز بار، افغانستان گه قیتگن حالده تقدیرلری نیمه بولیشیدن خواطرده‌لر، بیر قنچه‌لری روحی قیینچیلیک بیلن دوچ بولگن، مسئوللر و نهادلر بوتوغریده بیر قرار گه کېلیش‌لرینی اېسته‌یمیز.»
شو بیلن بیرگه، پاکستان‌ده افغانستان‌لیک قاچقین‌لر وکیل‌لری نینگ ایتیشلریچه، بو مملکت‌ده۸۵۰ مینگ قاچقین‌لیک کارتی بولگن مهاجر یشه‌یدی، اقتصادی، ایش‌سیزلیک و کمبغل‌لیک قیینچیلیک‌لر گه قوشیمچه جبردن چیقریلیش‌لری اولرنی روحی قیینچیلیک بیلن دوچ قیلگن.
پاکستان پایتختی اسلام‌آباد ده افغانستان‌لیک قاچقین‌لر وکیلی میراحمد روفی نینگ ایتیشیچه: «بو قرار قاچقین‌لرنی روحی قیینچیلیک بیلن دوچ قیلگن، ایچکی اوروش‌لر پیتیده پاکستان گه باش پنه‌ایزلب کېلگن قاچقین‌لر گه ای‌سی‌سی کارت بیریلگندی حاضر مدتی اۉزه‌یتیریلمه‌یدی؛ حاضر بولر نینگ جبردن چیقریش بویروغی بیریلگن.»
بیزلرنینگ «ایکس» ترماغی ده هم تعقیب قیلینگ!
پاکستان دولتی ینگی‌لیکده اقامت کارتی بولگن قاچقین‌لرنی جبردن چیقریش حقیده هېچ نرسه دیمه‌گن بولسه ده؛ بیراق پاکستان یېتکرمه‌لریدن بیرقطاری اوشبو مملکت ایچکی ایشلر وزیرلیگیدن نقل قیلیب، ۲۰۲۴-ییل ۱۵ اپریل ده، ای‌سی‌سی یا که افغان فقراسی کارتی بولگن قاچقین‌لر نینگ چیقریش ایکّینچی باسقیچی باشلنیش مهلتی یکونلنگنیدن خبر بیرگنلر.
ایتیش کېره‌ک، پاکستان‌دن افغانستان‌لیک قاچقین‌لر نینگ جبردن چیقریش بیرینچی باسقیچیده بو مملکت‌دن افغانستان‌لیک ۶۰۰ مینگ ناقانونی قاچقین چیقریلگن.
