افغانستان تیمیر یولی اداره‌سی نینگ ایتیشیچه، مزارشریف-هرات-قندهار تیمیر یولی پروژه‌سی نینگ دستلبکی ایش‌لری تیزلیککه باشلنیشی ممکن. اوشبو اداره مسئوللری نینگ کوپه‌یتیریشلریچه، مذکور تیمیر یولی نینگ اوزون‌لیگی ۱۴۶۸ کیلومتر تخمین بولگن که، ۹ ولایت و ۳۷ تومن‌دن اوته‌دی.
افغانستان تیمیر یولی اداره‌سی سوزلاوچیسی عبدالسمیع درانی نینگ ایتیشیچه، حاضرگچه اون ایچکی و تشقی شرکت مزارشریف-هرات-قندهار تیمیر یولی پروژه‌سیده سرمایه یاتقیزیش گه قیزیققن.
بیزلرنینگ توییترده هم تعقیب قیلینگ!
جناب درانی نینگ کوپه‌یتیریشیچه: «اوشبو پروژه اوزون مدتلی دیر که، حاضر بیرینچی فازی هرات-خواف‌دن هوا قونالغه‌سی‌گچه ۴۷ کیلومتر اوزون‌لیگی و باشقه بولیمی ایسه اندخوی-شبرغان‌ده ۷۰ کیلومتر اندازه گه توزتیلگن و شونینگدیک حاضرگچه کمیده اون ایچکی و تشقی شرکت مزارشریف-هرات-قندهار تیمیر یولی پروژه‌سیده سرمایه یاتقیزیش گه قیزیققن.»
شونده‌ی بیرحالده، اقتصادی ایش بیلرمان‌لردن قطاری اوشبو پروژه ایشی باشلنیشی‌دن خورسند‌لیک بیلدیریب و ایتیشیچه، مذکور پروژه نینگ تطبیق بولیشی بیلن یشاوچیلر گه ایش زمینه‌سی یره‌تیلیشی یانیده، شونینگدیک سوداگرلیک توارلر نرخی نینگ کمه‌یشی ممکن.
اقتصادی بیلرمان تاج‌محمد تلاش نینگ ایتیشیچه: «اوشبو پروژه اقتصادی توزوم خصوصیده فایده‌لی دیر و یوزلرچه کیشی گه ایش زمینه‌سی یره‌تیلیشی ممکن. شونینگدیک شمال‌دن جنوب گه و جنوب‌دن غرب گه توارلر انتقالی و افغانستان نینگ جغرافیالیک اوچ نقطه‌سی نی بیر بیری گه وصل قیله‌دی که، مصرف بوله‌دیگن ماده‌لر و سوداگرلیک توارلر نرخی نینگ ۶۰ فایز کمه‌یشی ممکن.»
افغانستان تیمیر یولی اداره مسئوللری نینگ ایتیش‌لریچه، اوتگن بیر ییل‌ده تیمیر یولی آرقه‌لی کمیده ۴.۶ میلیون متریک تُن سوداگرلیک توارلر منطقه مملکت‌لر گه انتقال تاپگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، حاضر ایسه افغانستان هرات ده تورغندی بندری، فاریاب ده آقینه بندری و مزارشریف ده حیرتان بندری‌ده، تیمیر یولی آرقه‌لی واردات و صادراتی بار.
