سلام‌وطندار نینگ تورلی ساحه‌لرده ۱۸ سپورتچی بیلن قیلگن صحبتی اساسیده، افغانستان ده سۉنگی ییللرده سپورت رواجلنگن. بو گزارش ده کابل شهریده ملی تیرمه جماعه‌لرده سکیز سپورتچی و ۱۰ آزاد مبارزه‌لر سپورتچی بیلن صحبت قیلینگن. بو سپورتچیلر نینگ ۱۰ نفری، افغانستانده سۉنگی اوچ ییلده سپورت سېزیلرلی درجه ده رواجلنگنینی اېتگنلر.
اوشبو گزارش ده صحبت قیلگنلردن ۱۰ نفری افغانستانده سپورت رواجلنگنیدن خورسندلیک بیلدیرگنلر، اولر نینگ بیش نفری وشوو، زورخانه‌ای، سنوکر، اوغلاق و تکواندو بولیم‌لریده ملی تیرمه جماعه‌لری اعضالری دیر. مذکور سپورتچیلر نینگ باشقه بیش نفری اېسه آزاد مبارزه‌لر، تنه‌سازلیک، کراته، بوکس و فوتسال بولیم‌لریده مشق قیله‌دیلر.
بو سپورتچیلر، ایچکریده قولی‌لیک یره‌تیلیشی و سپورت رقابت‌لری اۉتکزیلیشینی سپورت رواجلنیشی و سپورتچیلر نینگ علاقه‌سی آشیشی گه سبب بولگنینی اېتگنلر.
وشوو ملی تیرمه جماعه اعضاسی خالد هوتک و افغانستان کوره‌ش ملی تیرمه جماعه اعضاسی شکیب عطایی، افغانستانده سپورت احوالی اۉتمیش گه نسبتن یخشی‌لنگن و سۉنگی اوچ ییلده تورلی ساحه‌لرده یاشلر نینگ حضوری آشیش گواهی بولگنلرینی معلوم قیلگنلر.
خالد هوتک نینگ کوپه‌یتیریشیچه: «یاشلر نینگ سپورت گه علاقه‌سی کوپه‌یش گواهی‌میز؛ افغانستانده سپورت سېزیلرلی درجه ده رواجلنیشنی کوریب توریب‌میز.»
شکیب عطایی گه کوره: «۱۷ یاشنی تولدیرمه‌گن فوتبال تیرمه جماعه‌سی بیرینچی اوریننی ایگلله‌دی؛ فوتسال جماعه‌سی بیرینچی مراتبه خلق‌ارا کپی گه یول تاپگن، زورخانه‌ای خلق‌ارا رقابت‌لری یولگه قوییلدی اوچینچی اوریننی ایگلله‌دیک و یخشی یوتوق‌لر قولگه کېریتدیک.»
خصوصی کلوب‌لرده آزاد رقابت‌لرده مشق قیله‌دیگن جویان نوری نینگ ایتیشیچه: «بیش ییلدن بېری آزاد مبارزه‌لر بولیمیده مشق قیله‌من و سۉنگی اوچ ییلده بو بولیمگه یاشلر نینگ علاقه‌سی کوپه‌یگن.»
بیزلرنینگ فیسبوک صحیفه‌میزگه باش اورینگ!
کراته و تکواندو بولیم‌لریده مشق قیله‌دیگن سلیم احمدی، افغانستانده سپورت رواجلنیشی و یاشلر نینگ علاقه‌سی کوپه‌یگنینی اېته‌دی.
اونینگ کوپه‌یتیریشیچه: «هر بولیمده یاشلر نینگ سپورت گه علاقه‌سی کوپه‌یگن؛ اولر اۉز مشق‌لری گه دوام بیره‌دیلر.»
باشقه تاماندن، سپورتچیلردن باشقه بیرقطاری گه کوره، سۉنگی اوچ ییلده افغانستانده سپورت نه‌فقط رواجلنمه‌گن بلکه یاشلر نینگ سپورت گه علاقه‌سی کمه‌یگن. گزارش ده صحبت قیلگنلردن سکیز کیشی که اولر نینگ اوچ نفری جودو، پاراتکواندو و کیک‌بوکسینگ ملی تیرمه جماعه اعضالری دیر و باشقه بیش نفری بوکس، آزاد مبارزه‌لر و جیجتسو بولیم‌لریده خصوصی کلوب‌لرده مشق قیلیشه‌دی، سۉنگی اوچ ییلده سپورتچیلر نینگ سپورت گه دوام بیریش علاقه‌سی کمه‌یگنینی معلوم قیله‌دیلر.
کیک‌بوکسینگ و جیجتسو بولیمی سپورتچیسی علی‌شیر و افغانستان جودو ملی تیرمه جماعه اعضاسی وحید یوسف‌زی نینگ ایتیشلریچه، اۉتگن اوچ ییلده افغانستانده سپورت گه علاقه کمه‌یگن و سپورتچیلر نینگ اقتصادی قیینچیلیگی طفیلی اولر نینگ کوپینچه‌سی سپورت دن اوزاقلشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
علی‌شیر نینگ کوپه‌یتیریشیچه: «اوتمیشده اقتصادی احوال یخشی اېدی و یاشلر سپورت قیلر اېدی؛ بیراق حاضر سپورت قیلمه‌یدیلر چونکه اقتصادی قیینچیلیک‌لری بار؛ سۉنگی اوچ ییلده ۵۰ فایز مشق‌لریم کمه‌یگن.»
وحید یوسف‌زی گه کوره: «افسوس بیلن سپورت گه علاقه کمه‌یگن و بوتوغریده اونچه‌لیک دقت قیلینمه‌یدی. اۉزیم جسمانی تربیه‌لش ریاستی نینگ همکارلیک قیلمسلیگی اوچون تورت تشقی مسابقه‌نی قولدن بیردیم.»
بو سکیز سپورتچی، افغانستانده قولی‌لیک یره‌تیلمسلیگی و سپورتچیلر اوچون امکانیت یوق‌لیگینی سپورت گه علاقه کمه‌یش اصلی سبب‌لریدن اته‌ب، سپورتچیلر نینگ ترغیب قیلیش اوچون قولی‌لیک یره‌تیلیب و اولر گه یېترلی امکانیت‌لر بیریلیشی کېره‌ک دیېدیلر.
پاراتکواندو ملی تیرمه جماعه اعضاسی علی سجاد هم‌راز گه کوره، حاضرگی کونده سپورتچیلر اوچون قولی‌لیک یره‌تیلمه‌گن. «قولی‌لیک و امکانیت بولیمیده هېچ اۉزگریش کېلمه‌گن و اوتمیش کبی دیر؛ سپورتچیلر اوتمیش کبی قیینچیلیک بیلن دوچ دیر و یگانه اۉزگریش قتیق آلیش دیر.»
برچه‌سی بیلن، افغانستان جسمانی تربیه‌لش و سپورت عمومی ریاستی مسئوللری، سۉنگی اوچ ییلده خلق‌ارا المپیک کمیته‌سی تامانیدن افغانستان گه هېچ قنده‌ی بودجه اختصاص بیریلمه‌گن بولسه ده؛ بیراق افغانستان سپورتی سېزیلرلی درجه ده رواجلنگنینی اېته‌دیلر.
افغانستان جسمانی تربیه‌لش و سپورت ریاستی سۉزلاوچیسی اتل مشوانی گه کوره، افغانستان سۉنگی اوچ ییلده ایچکی و خلق‌ارا رقابت‌لرده ایریم یوتوق‌لر گه ایگه بولگن. «بیز سۉنگی بیر ییلده قریب ۴۰۰۰ ایچکی بیلله‌شوو یولگه قویگن‌میز بولر ترغیب قیلیش، تنلاو، مناسبتی و ملی تیرمه جماعه اوچون تنلاو مسابقه‌لریدن عبارت دیر؛ بونگه قۉشیمچه بیش لیگ یولگه قوییلدی فوتبال لیگی، فوتسال، اوغلاق و والیبال.»
افغانستان تکواندو ملی تیرمه جماعه باش مربی‌سی و سپورت ایش بیلرمانی بشیر تورکی، خلق‌ارا المپیک کمیته‌سی تامانیدن ملی المپیک کمیته‌سی بودجه‌سی توخته‌تیلیشی و سپورتچیلر نینگ اقتصادی قیینچلیگی، افغانستانده سپورت گه علاقه کمه‌یشی گه سبب بولگنینی اېته‌دی. اونینگ ایتیشیچه: «یاشلر نینگ سپورت گه ترغیب قیلیش اوچون الگوسازلیک قیلیب و ملی تیرمه جماعه ده‌گی سپورتچیلر گه امکانیت یره‌تیلیشی کېره‌ک.»
افغانستان جسمانی تربیه‌لش و سپورت ریاستی نینگ معلوماتی اساسیده، افغانستان سپورتچیلری اوشبو ییل باشلنگنیدن حاضرگه قدر ۲۰۲۴-ییل چین هانگژوی تورلی بیلله‌شوولری، آسیا فوتسال کپی، کافا فوتبال رقابت‌لری و اۉرته آسیا والیبال کپی ده ۱۹ آلتین مدال، ۳۰ کومیش مدال و ۴۰ برنز مدال آلیش گه اولگورگنلر.
