مالیه و ترانسپورت و هوا یوللری وزیرلیکلری و امارتی شرکتلر عمومی ریاستی و «افغان پُست» شرکتی مسئوللری، بوگون کابل ده یولگه قوییلگن قوشمه خبری بیر ییغیلیش‌ده، بوندن بویان یوک تاشووچی موترلر گه «جی‌پی‌اس» اورنه‌تیلیشی اساسیده بولگن قراردادنی امضا قیلگنلر.
مذکور اداره‌لر مسئوللری نینگ ایتیشلریچه، یوک تاشووچی موترلر گه «جی‌پی‌اس» نینگ اورنه‌تیلیشی بیلن، مملکت ترانزیت بولیمی‌ده دقت و کوپینچه شفاف‌لیک اورته گه کیلیشی و ترانزیتی توارلر نینگ تینچ‌راق شکلده انتقال تاپیشی ممکن.
بیزلرنینگ «ایکس» ترماغی ده هم تعقیب قیلینگ!
ترانسپورت و هوا یوللری وزیرلیگی نینگ تدارکات باشلیغی حبیب‌الرحمان طلحه گه کوره: «توارلر نینگ ضایع بولیشی آلدی آلینیشی اوچون جی‌پی‌اس اورنه‌تیلیشی، توارلر نینگ تینچ قالیشی و شونینگدیک اهالی، شرکتلر و سوداگرلر ایشانچی نی اوزیگه قره‌تیش خصوصیده کوپ اونملی دیر.»
بو بیلن بیرگه، امارتی شرکتلر عمومی ریاستی مسئوللری مملکتده کُد و پست نشانی‌لری نینگ کوچه‌یگنی‌دن خبر بیرگنلر. اولر نینگ ایتیشلریچه، مملکتده پستی خذمتلری ارائه قیلینیشی مقصد، بیر مینگ ۴۰۵ ینگی پستی کُد نینگ یره‌تیش‌گه سعی‌وحرکت قیلماقده‌لر.
امارتی شرکتلر عمومی باشلیغی احمدجان بلال نینگ ایتیشیچه، مملکتده پستی خذمتلری نینگ ستندرد قیلیش مقصد، پستی کُدلری تورت رقم‌دن آلتی رقم گه اوزگرگن.
باشقه بیر تاماندن، مالیه وزیرلیگی مسئوللری حکومت‌دارلیک نینگ تورلی بولیم‌لریده تکنولوژی‌دن کوپراق قوللنیلیشی اوچون سعی‌وحرکتلرنی بیان قیلگن.
بیزلرنینگ فیسبوک صحیفه‌میزگه باش اورینگ!
بو توغریده مالیه وزیرلیگی اداری معینی دوست‌محمد مخلص نینگ ایتیشیچه: «مالیه وزیرلیگی دنیا ستندردلری بیلن برابر بولیش اوچون تکنولوژی‌دن قوللــــه‌دی.»
ایتیش کیره‌ک که، مملکتده کیره‌کلی ترانزیتی ستندردلر یوقلیگی و آست‌قورمه‌لر یوقلیگی سبب، ترانزیت و تجارت پروسه‌سی دایم قیین‌چیلیکلر بیلن روپه‌ره بولگن دیر.