روسیه مدافعه وزیری سرگی شویوک، ېنه بیر بار شانگهای همکارلیک تشکیلاتی گه اعضا مملکت‌لر اوچون افغانستان تهدید اېکن‌لیگیدن آگاه‌لنتیرگن. او بو سۉزلرنی اۉتگن کون قزاقستان ده شانگهای همکارلیک تشکیلاتی مدافعه وزیرلری نینگ ییغیلیشی‌ده بیان قیلیب و افغانستان ده سیاسی ثبات‌سیزلیک، بو مملکت ده عصیانچی گروه‌لر فعالیت‌لرینی کېنگه‌یتیریب و کوچه‌یشی گه زمینه یره‌تیشینی معلوم قیلگن.
برچه‌سی بیلن ایش بیلرمان‌لر نینگ ایشانچی گه کوره، مملکت‌لر اسلام امیرلیگی گه باسیم کېلتیریش مقصدیده بونده‌ی بیانات بیره‌دیلر.
بیزلرنینگ فیسبوک صحیفه‌میزگه باش اورینگ!
حربی و سیاسی ایش بیلرمان عزیز استانکزی، سلام‌وطندار بیلن اۉتکزگن صحبتیده مملکت‌لر افغانستان ده عصیانچی گروه‌لر نینگ فعالیتیدن خواطر بیلدیریش اۉرنیده، عصیانچی گروه‌لر گه قرشی کوره‌ش اوچون اسلام امیرلیگی بیلن همکار بولیش‌لری کېره‌ک دیېدی.
اونگه کوره: «بوتوغریده خواطر بیلدیره‌دیگن مملکت‌لر، اۉز خواطرلری حل اېتیلیشی و افغانستان ده دایمی خوفسیزلیک تامین اېتیلیشی اوچون، اۉز خواطرلرینی افغانستان حکومتی و بو مملکت استخباراتی بیلن شریک قیلیشی درکار.»
روسیه مدافعه وزیری افغانستان ده عصیادنچی گروه‌لر بارلیگی و فعالیتیدن عین‌حالده خواطر بیلدیرماقده، اۉتگن هفته پنج‌شنبه کونی اسلام امیرلیگی مدافعه وزیرلیگی سرپرستی محمدیعقوب مجاهد مالیزیا هیئتی بیلن اوچره‌شووده، حاضرگی کونده افغانستان ده داعش شامل هېچ گروه نینگ فزیکی حضوری یوق‌لیگینی اېتگن اېدی.
بیزلرنینگ «ایکس» ترماغی ده هم تعقیب قیلینگ!
شونینگدیک،سۉنگی کون‌لرده اسلام امیرلیگی تشقی ایشلر وزیرلیگی سرپرستی امیرخان متقی، هېچ بیر مملکت نی آتینی توتمسدن افغانستان ده داعش قۉشنی مملکت‌لر تامانیدن قۉللب-قوتلنیشینی ادعا قیلگندی.
شو بیلن بیرگه، ایش بیلرمان‌لردن بیرقطاری اسلام امیرلیگی دن داعش کبی گروه‌لر گه قرشی کوره‌ش ده محتاط‌لیک بیلن عمل قیلیشینی اېسته‌یدیلر.
خلق‌ارا مناسبت‌لر ایش بیلرمان ولی فروزان نینگ ایتیشیچه: «اسلام امیرلیگی نینگ افغانستان ده داعش بارلیگینی رد قیلیش دلیلی احتمال هېچ بیر منطقه اولر تامانیدن کنترول بولمسلیگی دیر، بیراق تروریستی هجوم‌لرنی اۉیوشتیریش امکانیت‌لری بار.»
سۉنگی اوچ ییل‌ده، مملکت‌لر و تورلی تشکیلات‌لر نیچه مراتبه افغانستان‌ده عصیانچی گروه‌لر نینگ بارلیگی و تهدیدلریدن خواطر بیلدیرگن اېدیلر؛ بیراق اسلام امیرلیگی هردایم بو ادعالرنی رد قیلیب کېلگن.