جمهور رئیس برینچی اورین باسری امرالله صالح نینگ اوغلی‌نی توی مراسمی باعث، اوتگن کیچه کابل نینگ انترکانتینیتان هوتلی یقینده‌گی قتناو یول‌لرده گاوجوملیک یوزبیرگنی سبب، کابل یشاوچی‌لری تنقید ایتگن‌لر.
اوتگن کیچه نیچه ساعت قتاویول گاوجوملیگیده قالگن کیشی‌لر نینگ ایتیش‌لریچه، انترکانتینینتال یقینیده‌گی قتناویول‌لر گاوجوم‌لیگی باعث، خلق نورمال فعالیتی گه دوام بیریشده قادر بولمه‌گن.
خصوصی کسل‌خانه‌ده داکتر صفتیده ایش قیله‌دیگن داکتر ذکرالله، قتناویول گاوجوم‌لیگی باعث عملیات بولینه‌دیگن بیمارنی عملیات قیلیش ده قادر بولمه‌گنیدن خبر بیرگن.
عین‌حالده ذکرالله گه کوره، قطار عاجل بیمارلر کسل‌خانه گه ییتیشه آلمه‌ی یولده جان بیرگنلر.
کارته پروان منطقه سیده دکانی بولگن عبدالاحد نینگ ایتیشیچه، امرالله صالح نینگ اوغلی نی طوی مراسمی کوپینچه ترافیکی گاوجوملیککه سبب بولگن و انه شوباعث خلق اویگه باریش اوچون پیاده یوریش ده مجبور بولگن لر.
عبدالاحد تنقید ایتیب ایتیشیچه، اوتگن کونگی ترافیکی گاوجوملیک امرالله صالح اوچون امنیت و راحت لیک کیلتیرگن، لیکن عادی خلق نی جوده یمان وضعیت گه قویگن.
انترکانتینینتال هوتلی یقینیده‌گی یول‌لر گاوجوم‌لیگی توغری سیده نماینده‌لر کینگشی اعضالری هم واکنش کورستگنلر.
نماینده‌لر کینگشی نینگ اعضالری گه کوره، جناب صالح کابل وضعیتی یخشی لنگنی خصوصده ادعا قیله‌دی، لیکن اوتگن کونی امرالله صالح قانون نی ایاق آستی قیلیب، خلق نی کوپینچه قیین‌چیلیک بیلن دوچ کیلتیرگنی نی کابل یشاوچی‌لری کوردیلر.
امرالله صالح نینگ اوغلی نی طوی مراسمی باعث قتناو یول‌لرده گاوجوملیک یوزبیرگنی خصوصده، اجتماعی ترماق‌لردن استفاده قیله‌دیگن کیشی‌لرهم عکس‌العمل کورستگنلر.
اجتماعی ترماقدن استفاده قیله‌دیگن بیر کیشی، هنوزهم خلق دن جمهوریت نظامی دن دفاع قیلیشی اوستیده تأکید ایته‌دیلر، اولکه نینگ ایکینچی صلاحیت‌لی شخصی اوغلی نینگ طوی مراسمیده مینگ‌لرگه کیشی نی کوپینچه قیین‌چیلیک بیلن دوچ کیلتیردی و بیماری بولگن کیشی‌لر بیمارینی شانه‌لریده تاشیب، کسل‌خانه‌گه انتقال بیردیلر، دیگن.
قتناو یول‌لرده گاوجوملیک یوزبیرگنی و اوشبو خصوص دن خلق کوپنیچه تنقید ایتگنی باعث، بوگون امرالله صالح خلق دن غذر ایسته‌گن.