پروان ولایتی دره‌ی غوربند یشاوچیلریدن بیرقطاری، گیلم توقیش صناعتی تنزل گه یوز توتیشیدن شکایت قیلیب ایتیشلریچه، انچه دن بویان گیلم سوداسی کمه‌یگن و حاضرگی وضعیت دوام ایتگن تقدیرده، پروان ده اوشبو صناعت یوق ایتیلیشی ممکن.
گیلم، یونگ و پخته دن توقیله‌دیگن بیر تور فرش دیر، یونگ و ایچکی نینگ ساچیدن تیارلنیب و ملی شهرت گه ایگه.
پروان ولایتی دره‌ی غوربند بومی یشاوچیلری، کوپ ییل‌لردن بویان ایکینچیلیک و چاروه‌چیلیک که علاوه گیلم توقیش صناعتی بیلن مصروف بولیب و اوشبو یول آرقه‌لی تیریکچیلیک خرجت‌لرینی تأمینله‌یدیلر.
پروان ولایتی «دره‌ی قمچاق» قیشلاغی یشاوچیلریدن ۵۰ یاشر عبدالحفیظ و سیاه‌گرد تومنی «قول‌خول» قیشلاغی یشاوچیسی عبدالله نینگ ایتیشلریچه، چاروه‌چیلیک کمه‌یشی و گیلم ماده‌لری نرخی قیمت‌لیگی، غوربند ده اوشبو صناعت تنزل گه یوز توتیشی گه سبب بولگن.
بیزلرنینگ فیسبوک صحیفه‌میزگه باش اورینگ!
دره‌ی قمچاق یشاوچیلریدن عبدالحفیظ نینگ ایتیشیچه: «حاضر قورغاقچیلیک دیر و چاروه‌چیلیک کمه‌یگن و مواد قیمت بولیشی باعث یشاوچیلر گیلم توقیمه‌یدیلر، نم اوچون جوده هم یخشی دیر. مواد چاروه‌‌دار دن تأمینلنمه‌ی و بازار دن ساتیب آلینسه، قیمت توشه‌دی. اوشبو صناعت یوق ایتیلمسلیگی و چاروه‌چیلیک رواجی اوچون یاردم و کیچیک قرضه بیرسین‌لر.»
پروان ولایتی سیاه‌گرد تومنی «قول‌خول» قیشلاغی یشاوچیسی عبدالله گه کوره: «نیچه ییل دن بویان دره‌ی غوربند اینیقسه هزاره‌لر منطقه‌سیده گیلم توقیش صناعتی تنزل گه یوز توتگن. عین‌حالده، قیشلاغیمیزده یخشی طرفدارلری بار ایدی؛ یعنی قول و خشکک، کوپ سانده عایله‌لر اوشبو یول آرقه‌لی خرجت‌لرینی تأمینلر ایدیلر، بو صناعت نی تنزل گه یوز توتیش سببی مواد قیمت‌لیگی و مناسب بازار یوق‌لیگی همده چیت ایل دن گیلم‌لر وارد ایتیلیشی دیر، دولت دن اوشبو صناعت گه مناسب بازار تاپیشینی طلب قیله‌میز.»
پروان ولایتی دره‌ی غوربند یشاوچیلریدن باشقه بیری عظم‌الدین، اوشبو منطقه ده قوی‌لر نینگ نسلی اوزگریشینی گیلم صناعتی تنزل گه یوز توتیش اصلی عاملی عنوان قیله‌دی.
اونینگ کوپه‌یتیریشیچه: «سابق یونگی دن گیلم توقیله‌دیگن قوی‌لر کوپ ایدی؛ حاضر قوی‌لر اوزگرگن، قانغراتی قوی‌لر کیلگن، یخشی یونگی یوق، موادی بازار دن ساتیب آلینسه، قیمت توشه‌دی.»
بیزلرنینگ توییترده هم تعقیب قیلینگ!
برچه‌سی بیلن، پروان معلومات و مدنیت ریاستی نینگ فرهنگ و سیاحت ایشلری بوییچه آمری عبدالغفار روفی، اقتصادی قیینچیلیک، چیت ایل دن گیلم و قالین وارد ایتیلیشی و وطنی گیلم سوداسی اوچون مناسب بازار یوق‌لیگینی، مذکور صناعت تنزل گه یوز توتیش عامل‌لریدن بیری عنوان قیله‌دی.
اونینگ سلام‌وطندار گه ایتیشیچه: «پروان ده مهم صناعت‌لردن بیری گیلم توقیش ایدی، تنزل گه یوز توتیشینی قبول قیله‌میز. معلومات و مدنیت اداره‌سی اوشبو صناعت رواجی مقصدیده سعی‌وحرکت قیلماقده.»
صناعت بولیمی ایشلری بوییچه ایش بیلرمان‌لر، مملکت نینگ بومی فرهنگ‌لریدن بولمیش گیلم صناعتی قوللب_قوتلنیشی اوستیگه تأکیدلب ایتیشلریچه، حکومت اوشبو صناعت رواجی اوچون دقت قیلیشی کیره‌ک.
